Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
20 Март 2012, 17:33
Республика халҡы 24 мартта бушлай флюорография үтә ала
24 мартта иртәнге 9-ҙан 13 сәғәткә тиклем Өфөлә Үҙәк, Колхоз һәм Затон баҙарҙары майҙандарында урынлашҡан күсмә флюорографик ҡоролмаларҙа бушлай флюорографик тикшереү үтергә мөмкин буласаҡ.
БР Һаулыҡ һаҡлау министрлығының сайтында хәбәр ителеүенсә, ошо уҡ көндө Республика туберкулез диспансерында Бөтә донъя туберкулезға ҡаршы көрәш көнөнә арналған Асыҡ ишектәр көнө үтәсәк. Иртәнге сәғәт 9-ҙан көндөҙгө 3-кә тиклем квалифицикациялы белгестәр туберкулезды дауалау, реабилитациялау һәм иҫкәртеү мәсьәләләре буйынса бушлай консультациялар үткәрәсәк. Фтизиатрҙар теләге булғандарҙың барыһын да түбәндәге адрестар буйынса ҡабул итәсәк:
— С. Агиш урамы, 4 («С. Агиш» туҡталышы) Республика туберкулез диспансерының поликлиника бүлеге, тел: 228-45-14;
— Цюрупа урамы, 100/1 («Үҙәк баҙар» туҡталышы), ололар өсөн диспансер бүлеге, тел: 272-83-05, балалар өсөн диспансер бүлеге, тел: 272-40-42;
— Октябрь проспекты, 155 («Калинин исемендәге парк» туҡталышы), диспансер бүлеге, тел: 284-28-52; 284-32-47.
Автор:
Розалия Вәлиева
Теги:
медицина
бөтә донъя туберкулезға ҡаршы көрәш көнө
Читайте нас: