«Кызыл таң»дың йырлы кистәре» дауам итә

12 мартта «Нур» театрында «Кызыл таң»дың йырлы кистәре» проекты сиктәрендә Дүртөйлө районы сәнғәт оҫталарының концерты үтте. Кисәлә республика Хөкүмәте Премьер-министры урынбаҫары Фидус Ямалетдинов, Башҡортостан Президенты советнигы Рәсүл Усманов, элемтә һәм киң коммуникациялар министры урынбаҫары Венера Хәкимова, төрлө министрлыҡтар вәкилдәре ҡунаҡ булды. Дүрт сәғәтлек концерт программаһы тамашасы күңеленә хуш килде – Дүртөйлөнөң йырға-моңға бай булыуына, райондан бик күп күренекле шәхестәр сығыуына ышанмаған кеше ҡалманы. Фидан һәм Азамат Ғафаровтар, Радик Динәхмәтов, Ризван Хәкимов һәм башҡаларҙың йырҙары тулы залда ҡайтауаз булып яңғыраны – күптәр ҡушылып йырлай ине.

Бындай ҙур концертты «Кызыл таң» гәзите «Нур» театрында икенсегә үткәрә. Бынан алда өфөлөләрҙе Тәтешле районының сәнғәт оҫталары матур концерт менән ҡыуандырғайны. 16 апрелгә тәғәйенләнгән киләһе концерт эстафетаһын кисәлә Илеш районы вәкилдәре ҡабул итеп алды. Шулай итеп, сараны үҙенсәлекле фестиваль тип тә атарға була.

Мәҙәни сараның үҙенсәлеге шунда, район сәнғәт оҫталары баш ҡалала йәшәүселәргә, тәү сиратта яҡташтарына «сәхнә күстәнәстәре» менән килә. Шулай уҡ ҡунаҡҡа килеүсе төбәктең социаль-көнкүрешен, уңыштарын һәм үҙенсәлеген тасуирлаған күргәҙмәләр ҙә ойошторола. Әйткәндәй, «Кызыл таң»дың йырлы кистәре» ысын мәғәнәһендә республикала йәшәүсе төрлө милләт халыҡтарының дуҫлығын, берҙәмлеген сағылдырыусы һәм туған Башҡортостаныбыҙ гүзәллеген кәүҙәләндереүсе тарихи бер сара ла булып тора. Сөнки «Нур» театры сәхнәһендә төрлө телдәрҙә яңғыраған йырҙар, төрлө халыҡ бейеүҙәре – барыһы ла бер маҡсатҡа – уртаҡ йортобоҙ Башҡортостанда именлекте, татыу тормошто һәм милләттәр араһында ысын дуҫлыҡты һаҡлауға йүнәлтелгән.

#концерттар #проекттар #кызыл таң гәзите

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.