БашДУ һәм Рәсәй студенттарының спорт союзы хеҙмәттәшлек итеү тураһында килешеүгә ҡул ҡуйҙы

Дмитрий Слезин

Көн элгәре Башҡортостан Республикаһының Дәүләт Йыйылышы – Ҡоролтайҙа Рәсәй студенттарының спорт союзы башҡарма комитеты ултырышы үтте.

Союз етәкселеге, шул иҫәптән уның президенты Олег Матыцин, Союздың төбәк бүлексәләре етәкселәре илдә студенттар спортын үҫтереү мәсьәләләрен тикшереү өсөн Өфөлә йыйылды.

Ултырышта РФ Спорт һәм туризм министрлығының Физик культура һәм спорт өлкәһендәге дәүләт сәйәсәте департаменты директоры Марина Томилова, РФ Мәғариф һәм фән министрлығының Физкультура-спорт тәрбиәһе системаһын үҫтереү департаменты директоры урынбаҫары Александр Минаев, БР йәштәр сәйәсәте һәм спорт министры Андрей Иванюта ҡатнашты.

2012 йылғы Бөтә Рәсәй ҡышҡы һәм йәйге универсиадаларға әҙерлек һәм уларҙы үткәреү, 2013 йылғы XXVI Бөтә донъя ҡышҡы универсиадаһына Рәсәй студенттарының йыйылма командаһын әҙерләү, Рәсәй студенттары спорт союзының төбәк бүлексәләре эшмәкәрлеге кеүек мәсьәләләр кәңәшмәлә ентекле тикшерелде. Башҡорт дәүләт университетында физкультура һәм спорт эшмәкәрлеген ойоштороу тураһында доклады менән юғары уҡыу йортоноң спорт клубы директоры Владимир Петров сығыш яһаны.

Осрашыуҙа Рәсәй студенттарының спорт союзы менән Башҡорт дәүләт университеты араһында хеҙмәттәшлек итеү тураһында килешеүгә ҡул ҡуйылды. Был хеҙмәттәшлек уртаҡ проекттар әҙерләү һәм уларҙы тормошҡа ашырыуҙы, студенттар спорты өлкәһендә берлектә саралар һәм акциялар ойоштороуҙы күҙ уңында тота.

#студенттар спорты #килешеүҙәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.