Өфөлә күп милләтле йәмғиәттә үҙ-ара мәҙәни хеҙмәттәшлек мәсьәләләре тикшереләсәк

27 апрелдә Башҡорт дәүләт университетында «Күп милләтле һәм күп конфессиялы йәмғиәттә үҙ-ара мәҙәни хеҙмәттәшлек» ғилми-ғәмәли семинары үтәсәк. Унда ғалимдар, төрлө белем биреү учреждениелары педагогтары, мәҙәни йәмәғәтселек вәкилдәре, аспиранттар, магистранттар ҡатнаша ала.

Форумда рухи-әхлаҡи тәрбиә мәсьәләләрен, хәҙерге Рәсәй йәмғиәтендәге мәҙәни хеҙмәттәшлектең хоҡуҡи аспекттарын, күп милләтле һәм күп конфессиялы социумда белем биреү процесының үҙенсәлектәрен, мәҙәни хеҙмәттәшлектең этик, эстетик һәм дини проблемаларын, күп этнослы йәмғиәттә мәҙәниәттәрҙең үҙ-ара йоғонто яһауының коммуникатив һәм телгә бәйле аспекттарын, мәҙәни хеҙмәттәшлек өлкәһендәге йәштәр проекттарын һәм ЮНЕСКО программаларын, хәҙерге Рәсәйҙә мәҙәниәттәр диалогының инновацион потенциалын тикшереү планлаштырыла.

Материалдарҙы һәм семинарҙа ҡатнашыуға заявканы 15 апрелгә тиклем [email protected] е-mail адресына ебәрергә кәрәк. Белешмәләр өсөн телефон: (3472) 29-96-64.