Башҡортостан һәм Өфө яңылыҡтары
58.79
+1.22
56.17
+1.78
91.83
+0.03
9+ °C
Болотло
Бөтә яңылыҡтар
Йәмғиәт
20 Февраль 2012, 18:35

Өфөлә Халыҡ-ара туған тел көнө билдәләнәсәк

21 февралдә бөтә донъя Халыҡ-ара туған тел көнөн билдәләй. Ул 1999 йылда ЮНЕСКО Генераль конференцияһының 30-сы сессияһы ҡарары менән булдырылды һәм йыл һайын билдәләнә.
Өфөлә был көнгә ҡарата башҡорт ғалим-төркиәтсеһе, яҙыусы һәм йәмәғәт эшмәкәре Жәлил Кейекбаевтың яҡты иҫтәлегенә арналған туған телдәр фестивале ойоштороласаҡ. Сара шишәмбе, 21 февралдә, Өфөнөң 39-сы гимназияһында үтәсәк.
ЮНЕСКО эштәре буйынса республика комитетының матбуғат хеҙмәтенән хәбәр итеүҙәренсә, фестивалдә ЮНЕСКО-ның ассоциацияланған мәктәптәре һәм ЮНЕСКО проекттарында һәм программаларында эшләүсе мәктәптәр ҡатнашасаҡ.
— Сарала рус, башҡорт, татар, әзербайжан, әрмән, белорус, вьетнам, испан, мари, немец, поляк, фарсы, тажик, сыуаш һәм башҡа телдәр тәҡдим ителәсәк, - тип аныҡлыҡ индерҙе ойоштороусылар.
Фестиваль ЮНЕСКО эштәре буйынса республика комитеты ҡарамағында һәм БР Мәғариф министрлығы ярҙамында үткәрелә.
Автор:Эльмира Сабирова
Читайте нас в