Силәбе башҡорттары туған телдәге китаптарға мохтаж

Тимур Рәхмәтуллин

Силәбе өлкәһе башҡорттары ҡоролтайының башҡарма комитеты башҡорт телендә сыҡҡан китаптар йыйыу буйынса «Китап менән уртаҡлаш» акцияһын иғлан итә. Кампания Халыҡ-ара туған телдәр көнөнә ҡарата ойошторола һәм 19 февралгә тиклем дауам итәсәк.

«Башинформ» агентлығына Силәбе башҡорттары ҡоролтайының башҡарма комитеты рәйесе урынбаҫары Флүзә Ғайсинаның хәбәр итеүенсә, төбәктең бихисап китапханалары башҡорт телендә баҫылған фәнни, әҙәби китаптарға һәм уҡыу әсбаптарына мохтажлыҡ кисерә.

— Үкенескә күрә, өлкәлә туған телдә сыҡҡан китаптар һәм матбуғат баҫмаларын һатыу ойошторолмаған, — тип билдәләне ул. – Шуға күрә бик күп уҡыусылар китапханаларҙа ла кәрәкле китапты таба алмай. Китапханаларҙың барыһы ла хәҙерге әҙәбиәтте ваҡытында алдыра алмай.

Уның әйтеүенсә, интернетта ла милли телдә яҙылған китапты табыуы ҡыйын. Күрше төбәктәге башҡорт халҡы балалар әҙәбиәтенә һәм фәнни әсбаптарға мохтажлыҡ кисерә.

— Ике телдә сыҡҡан китаптарға шат булыр инек, — ти Флүзә Ғайсина. – Айырыуса яңы һөйләшә башлаған иң бәләкәй балаларға китаптар кәрәк: башҡорт әкиәттәре, легенда һәм риүәйәттәр, балалар өсөн яҙылған шиғырҙар. Бар әҙәбиәткә лә шат буласаҡбыҙ.

Был акцияны Бөтә донъя башҡорттары ҡоролтайы башҡарма комитеты рәйесе Марсель Йосопов йөҙөндә ҡоролтай ҙа хупланы.

Китаптарҙы, «Силәбе өлкәһе өсөн» билдәһен ҡуйып, Өфө ҡалаһы, Ленин урамы, 50 («Нефтсе» мәҙәниәт һарайы), 217-се йәки 213-сө бүлмә адресына алып килергә кәрәк.

#рф төбәктәрендәге башҡорттар #китаптар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.