«Ҡағыҙға – икенсе ғүмер» акцияһы сиктәрендә Өфө уҡыусылары 43 тонна макулатура йыйған

Галина Бахшиева

Өфөлә тәбиғәтте һаҡлау буйынса «Ҡағыҙға — икенсе ғүмер» балалар акцияһының сираттағы этабы старт алды. Уның ойоштороусыһы булып Башҡортостандың «Тәбиғәт» дәүләт унитар предприятиеһы сығыш яһай. Был юлы баш ҡалабыҙҙың Совет районы уҡыусылары акцияла ҡатнашасаҡ.

Хәтерегеҙгә төшөрәйек, «Ҡағыҙға – икенсе ғүмер» экологик акцияһы башлыса сүп-сарҙы айырып йыйыу һәм ҡағыҙ ҡалдыҡтарҙы эшкәртеү кәрәклегенә уҡыусыларҙың һәм уларҙың ата-әсәләренең иғтибарын йәлеп итеүгә, шулай уҡ тәбиғәткә һаҡсыл ҡараш тәрбиәләүгә йүнәлтелгән.

— Үткән аҙнала Өфөнөң Дим районы мәктәптәрендә макулатура йыйыу тамамланды. Беҙҙең акцияла ете мәктәп, шулай уҡ район балалар ижад йорто ҡатнашты. Һыуыҡтарға ҡарамаҫтан, акция уңышлы үтте, уҡыусылар экологик сарала әүҙем ҡатнашты. Балалар ете тоннанан ашыу макулатура йыйҙы, ул әле артабан эшкәртеүгә оҙатылды, — тип хәбәр итте «Башинформ» агентлығына «Тәбиғәт» предприятиеһының инженер-экологы Альбина Шәмсетдинова.

Шулай итеп, Өфөнөң Октябрь, Ленин һәм Дим райондарында «Ҡағыҙға – икенсе ғүмер» акцияһының беренсе этаптарын үткәреү һөҙөмтәләре буйынса 43 тоннаға яҡын макулатура йыйылған һәм ҡабаттан эшкәртеүгә тапшырылған. Альбина Шәмсетдинованың әйтеүенсә, был 215 ағасты ҡотҡарыуға тиң.

Совет районынан һуң тәбиғәтте һаҡлау эстафетаһын артабан Өфөнөң Орджоникидзе һәм Калинин районы мәктәптәре ҡабул итәсәк.

#экология #акция #макулатура йыйыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.