Приют ҡасабаһында газ шартлауы арҡаһында зыян күргәндәр өсөн йорт төҙөлә

Ғәлиә Нәбиева

— Приютта газ шартлауы һөҙөмтәһендә өйһөҙ ҡалған кешеләр өсөн төҙөүселәр 24 фатирлы өс ҡатлы йорт төҙөй башланы, — тип хәбәр итте Башҡортостан Хөкүмәте вице-премьеры, торлаҡ-коммуналь хужалыҡ министры Сергей Афонин.

Дүшәмбе көндө Бәләбәй районы хакимиәте менән берлектә төҙөлөш майҙаны билдәләнде һәм төҙөлөш башланды.

Сергей Афониндың әйтеүенсә, йортто тергеҙеп булмауы йәкшәмбе көндө үк билдәле булған. Яңы йорт зыян күргән бинанан 400 метр алыҫлыҡта төҙөләсәк. Проект эшләүсе ойошма, заказсы, подрядсы билдәләнгән, һәм бөгөн урында проектты планлаштырыу эштәре башланған.

— Ҡаза күргән халыҡ майға тиклем өйлө булырға тейеш, тигән республика Президенты менән ҡуйылған бурыс үтәләсәк, — тип ышандырҙы Сергей Афонин.

Яңы йорттағы 16 фатир йортһоҙ ҡалған кешеләргә бирелһә, ҡалған һигеҙен район хакимиәте социаль программаларҙы хәл итеү өсөн файҙаланасаҡ.

— Беҙ төҙөлөш барышын махсус видеокамералар ярҙамында онлайн режимында күҙәтеп барасаҡбыҙ, — тип билдәләне вице-премьер. – Төҙөүселәр өс сменала эшләйәсәк.

Республиканың зыян күреүселәр өсөн йорттар төҙөү тәжрибәһе бар. Урман халҡы өсөн торлаҡ ике айҙа тиерлек төҙөлдө. Ҡыш булыуын иҫәпкә алып, төҙөлөшкә 100 көн бирелгән. Ер туңғанға күрә, өҫтәмә механизмдар ҡулланыласаҡ.

#приют #төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.