Башҡортостан һәм Өфө яңылыҡтары
78.84
0
93.01
0
68.28
-0.36
12+ °C
Болотло
Бөтә яңылыҡтар
Йәмғиәт
31 Ғинуар 2012, 19:06

Башҡорт дәүләт академия драма театры гастролдәр менән Яр Саллыға барасаҡ

Мәжит Ғафури исемендәге Башҡорт дәүләт академия драма театры гастролдәре Яр Саллыла 14-17 февралдә үтәсәк. Гастролдәрҙе ҙур театрлаштырылған тамаша асасаҡ, унда театрҙың алдынғы артистары – Фидан Ғафаров, Хөрмәтулла Үтәшев, Суфия Ҡорбанғәлиева, Миңзәлә Хәйруллина, Алмас Әмиров, Әхәт Хөсәйенов, Светлана Хәкимова, Алһыу Бәхтиева, Сәғиҙулла Байегет ҡатнашасаҡ.
Гастролдәрҙең икенсе көнөндә, 15 февралдә, Башҡорт академия театры балалар өсөн Алексей Толстойҙың «Буратино-remake» әҫәрен уйнаясаҡ, ә кискеһен тамашасылар Тәнзилә Дәүләтбирҙина пьесаһы буйынса Айрат Әбүшахманов ҡуйған «Минең ғаиләм» спектаклен ҡараясаҡ.
16 февралдә театр коллективы тамашасыларға «Буратино-remake» һәм «Мулла» спектаклдәрен тәҡдим итәсәк. Һуңғыһы тамашасылар араһында һәр саҡ һур ҡыҙыҡһыныу уята.
Автор:Әлфиә Әһлиуллина
Читайте нас: