Башҡортостанда «Һылыуҡай-2012» телевизион конкурсына һайлап алыу туры башланды

Эльмира Сабирова

Башҡортостанда «Һылыуҡай-2012» республика телевизион конкурсында ҡатнашыу өсөн заявкалар ҡабул итеү башланды. Унда ҡала һәм район конкурстарында еңеүселәр ҡатнашасаҡ.

Республика халыҡ ижады үҙәгенән асыҡлауҙарынса, бәйгелә 16-22 йәштәрҙәге һылыуҙар ҡатнаша ала, уларға башҡорт телен, халыҡтың ғөрөф-ғәҙәттәрен, йолаларын белеү мотлаҡ. Ҡыҙҙарҙың буйы 170 сантиметрҙан түбән булырға тейеш түгел.

Конкурстың һайлап алыу туры 1 февралдә Өфөлә, «Башҡортостан» телерадиокомпанияһы дәүләт унитар предприятиеһы бинаһында үтәсәк. Һәр ҡатнашыусы киләһе номерҙарға әҙер булырға тейеш: визитка, ижади конкурс (башҡорт бейеүе, таҡмаҡ, актерлыҡ оҫталығы буйынса коллоквиум), кейемдәр демонстрациялау, А3 форматындағы кәм тигәндә дүрт профессиональ фотонан торған портфолио.

Конкурстың һайлап алыу туры аша үткән ҡыҙҙар өсөн Өфөлә вокал, хореография, дефиле, сәхнә телмәре буйынса иң яҡшы уҡытыусылар менән ике аҙналыҡ әҙерлек курстары ойоштороласаҡ.

«Һылыуҡай-2012» финалы 7 мартта Өфөнөң «Нефтсе» мәҙәниәт һарайында үтәсәк.

Ҡатнашыу өсөн заявкалар 30 ғинуарға тиклем 450103, Өфө ҡалаһы, Зәйнәп Биишева урамы, 17/2 адресы буйынса Республика халыҡ ижады үҙәге дәүләт мәҙәниәт учреждениеһында ҡабул ителә. Тел./факс 8 (347) 289-62-00, 289-65-50, gukrcnt@mail.ru – Усманова Гөлнара Ғиниәт ҡыҙы. Miss-asia-ufa@mail.ru, 89191462008, 89872540499 – Таһирова Линара Рәүил ҡыҙы.

Конкурсты ойоштороусылар булып Башҡортостан Республикаһының Мәҙәниәт министрлығы, Йәштәр сәйәсәте һәм спорт министрлығы, Республика халыҡ ижады үҙәге, «Башҡортостан» телерадиотапшырыуҙар компанияһы, «Бөтә донъя башҡорттары ҡоролтайы (конгесы)» Йәмәғәт ойошмаларының Халыҡ-ара берлеге сығыш яһай.

#конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.