Башҡортостан һәм Өфө яңылыҡтары
58.18
+0.18
56
+0.07
87.01
+0.74
5+ °C
Болотло
Бөтә яңылыҡтар
Йәмғиәт
16 Ғинуар 2012, 18:55

Өфөлә балалар йорттары араһында мини-футбол буйынса иң яҡшы команда билдәләнде

Өфөнөң «Динамо» спорт комплексында «Башҡортостан Республикаһы милләттәре берлеге» Кубогына балалар йорттарында һәм социаль приюттарҙа тәрбиәләнеүселәр араһында мини-футбол буйынса чемпионат үтте. Ойоштороусылар булып Башҡортостандың Футбол һәм мини-футбол федерацияһы ярҙамында «Байтул Мал» фонды, Башҡортостан Республикаһы мосолмандары Диниә назаратының Йәштәр бүлеге сығыш яһаны.
«Байтул Мал» фондынан билдәләүенсә, чемпионат балалар йорттарында тәрбиәләнеүселәргә ярҙам итеү, милләт-ара татыулыҡты нығытыу, шулай уҡ йәштәр араһында спортты һәм сәләмәт тормошто популярлаштырыу маҡсатында ойошторолдо.
Ярыштарҙа Башҡортостандан ғына түгел, Силәбе өлкәһе ҡалаларынан да етем балалар ҡатнашты.
Чемпионат һөҙөмтәләре буйынса Өфөнөң 9-сы балалар йорто командаһы еңеүсе тип табылды. Башҡа балалар йорттарында тәрбиәләнеүселәргә лә приздар тапшырылды.
Автор:Тимур Рәхмәтуллин
Читайте нас в