«Версия Башкортостана» коррупцияға ҡаршы эшмәкәрлекте яҡтыртҡан иң яҡшы материал конкурсында 1 урын алды

«Башинформ» мәғлүмәт агентлығы баҫмаларының береһе — «Версия Башкортостана» гәзите республикала иғлан ителгән коррупцияға ҡаршы эшмәкәрлекте яҡтыртҡан иң яҡшы журналист эше конкурсында еңде. 2011 йыл йомғаҡтары буйынса гәзиткә баҫма киң мәғлүмәт саралары номинацияһында беренсе урын бирелде.

Һөнәри ярыш һөҙөмтәләре бөгөн Өфөлә Рәсәй матбуғаты көнө уңайынан ойошторолған сарала иғлан ителде. Матбуғат байрамы уңайынан ойошторолған сарала тағы ла терроризмға ҡаршы эшмәкәрлекте, шулай уҡ Башҡортостан Республикаһында иғлан ителгән Милләт-ара татыулыҡты нығытыу йылын иң яҡшы яҡтыртҡан материалдар конкурсының һәм тематик йылдың эмблемаһын булдырыу конкурсының еңеүселәре билдәләнде. Ә Рәсәй Федерацияһында Рәсәй космонавтикаһы йылын иң яҡшы яҡтырыуға конкурсында еңеүселәргә бүләктәрҙе Башҡортостанда тыуып үҫкән Рәсәйҙең атҡаҙанған һынаусы летчигы, һынаусы космонавт Урал Солтанов тапшырҙы.