Өфөлә социаль фотография конкурсы иғлан ителде

Өфөлә социаль фотография конкурсына эштәр ҡабул ителә башланы. Уның ойоштороусылары булып Башҡортостан митрополияһы, «Яңырыу» йәштәр ижады үҙәге, йәмәғәт ойошмалары сығыш яһай. Проектҡа БР Рәссамдар ойошмаһы һәм «Каруанһарай» комплексының Үҙәк художество галереяһы ярҙам итә.

«Башинформ» агентлығына Башҡортостан митрополияһының мәғлүмәт-аналитика бүлегенән хәбәр итеүҙәренсә, конкурс ауыр томош хәлендә ҡалған кешеләрҙең проблемаларына иғтибар йәлеп итеү һәм бер үк ваҡытта ҡыйбатлы дарыуҙар менән дауаланыуға мохтаж инвалид балаларға ярҙам күрһәтеү маҡсатында үткәрелә.

Йәше һәм ниндәй дин тотоуы буйынса сикләүҙәр юҡ, конкурста теләге булған һәр кеше ҡатнаша ала. Конкурсҡа төҫлө, шулай уҡ аҡлы-ҡаралы фотоһүрәттәр ҙә ҡабул ителә. Шул уҡ мәлдә улар мотлаҡ «Инвалид балалар», «Өйһөҙҙәр», «Етемдәр», «Стихиялы бәлә-ҡазаларҙан зыян күреүселәр», «Ауыр хәлдә ҡалыусылар» кеүек биш темаға арналған булырға тейеш. Фоторәсемдәр 29 ғинуарға тиклем ҡабул ителә.

Һуңынан конкурс йомғаҡтары буйынса иң яҡшы фотоһүрәттәрҙән күргәҙмә ойоштороласаҡ. Конкурс еңеүселәренә ҡиммәтле бүләктәр тапшырыласаҡ. Күргәҙмә ваҡытында шулай уҡ хәйер йыйыу һәм хәйриә йәрминкәһе ойошторола. Сара дауамында йыйылған аҡса тулыһынса инвалид балаларҙы дауалауға йүнәлтеләсәк.

Автор:Евгений Рәхимҡолов

Теги:конкурстар

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».