Өфөлә «Матбуғат балы» үтәсәк

21 декабрҙә Өфөлә, Мостай Кәрим исемендәге Милли йәштәр театрында, «Матбуғат балы» үтәсәк. Сараны ойоштороусылар булып Башҡортостан Республикаһының Элемтә һәм киң коммуникациялар министрлығы һәм Журналистар союзы сығыш яһай.

Теркәлеү 15.00-16.00 сәғәттәрҙә үтәсәк. Артабан конкурстарҙа еңеүселәрҙе тәбрикләү тантанаһы буласаҡ. Быйыл улар аҙ түгел: «Башҡортостандың алтын ҡауырһыны», «Рәсәйҙең иҡтисади тергеҙелеүе» бөтә Рәсәй конкурсының төбәк этабы, йәштәр сәйәсәтен тормошҡа ашырыуҙы, физик культура һәм спортты үҫтереүҙе, сәләмәт тормошто пропагандалауҙы иң яҡшы яҡтыртыуға журналистар араһында республика конкурсы, шулай уҡ наркоманияны иҫкәртеү һәм сәләмәт тормошто пропагандалау темаһына республика, ҡала һәм район баҫма һәм электрон киң мәғлүмәт саралары һәм социаль роликтар әҙерләүселәр араһында конкурс.

Рәсми өлөштән һуң журналистарға етеп килгән Яңы йылға бағышланған шоу-программа тәҡдим ителәсәк.