Башҡортостан һәм Өфө яңылыҡтары
60.25
+0.85
58.24
+0.18
96.34
+1.92
7+ °C
Ямғыр
Бөтә яңылыҡтар
Йәмғиәт
19 Декабрь 2011, 11:12

Башҡортостан уҡыусыһы Халыҡ-ара олимпиадала абсолют чемпион булды

Нефтекаманың 1-се гимназияһының унынсы синыф уҡыусыһы Айнур Мәҡсүтов Көньяҡ Африка Республикаһының Дурбан ҡалаһында үткән VIII Халыҡ-ара тәбиғи фәндәр олимпиадаһында абсолют чемпион булды. Ул Рәсәйҙең йыйылма командаһы составында сығыш яһаны. Был хаҡта Башҡортостандың Мәғариф министрлығынан хәбәр иттеләр.
Тәбиғи фәндәр олимпиадаһы өс предмет буйынса үткәрелгән: физика, химия һәм биология. Ҡатнашыусылар өс тур аша үткән. Рәсәйҙән бер юлы ике уҡыусы донъялағы иң яҡшы юниор иҫәбенә ингәнгә күрә Рәсәй командаһы дөйөм команда иҫәбендә икенсе урын яулаған, беренсе урында – Тайвань командаһы.
Рәсәй уҡыусылары был абруйлы интеллектуаль сарала уңышлы сығыш яһаған: өс алтын һәм өс көмөш алып ҡайтҡан.
Автор:Эльмира Сабирова
Читайте нас в