Үҙәк хәрби округында дин тотоусы хәрби хеҙмәткәрҙәр менән эшләү буйынса командир ярҙамсыларының вазифауи бурыстары раҫланды

Әлим Фәйезов

Үҙәк хәрби округы ғәскәрҙәре командующийы «Дин тотҡан хәрби хеҙмәткәрҙәр менән эшләүсе органдар эшмәкәрлеген тәртипкә һалыу тураһында»ғы бойороҡҡа ҡул ҡуйҙы. Унда төрлө дини конфессияларҙан булған һалдаттар һәм офицерҙар менән хеҙмәттәшлек итеү буйынса вазифалы кешеләрҙең статусы, вәкәләттәре һәм бурыстары билдәләнгән.

«Дин тотҡан хәрби хеҙмәткәрҙәр менән эш итеү буйынса командир ярҙамсылары Рәсәй Федерацияһындағы традицион дини берекмәләрҙең дини хеҙмәткәрҙәре иҫәбенән тәғәйенләнә. Үҙенең эшмәкәрлеген ул сиркәүҙә ҡабул ителгән тәғлимәттәргә таянып алып бара. Тейешле культ предметтарын һаҡларға һәм файҙаланырға хоҡуҡлы», — тиелә бойороҡта. Дин тотоусы хеҙмәткәрҙәр менән эшләү буйынса бригада командиры ярҙамсыларының хеҙмәти бурыстары иҫәбендә уның туранан-тура начальнигына буйһоноуы айырып билдәләнгән. Махсус мәсьәләләрҙә – Үҙәк хәрби округының шәхси состав менән эшләү буйынса идаралығының тәғәйен бүлеге начальнигына.

Командир ярҙамсыларының бурыстары иҫәбендә йәнә команда составын дини характерҙағы мәсьәләләр буйынса консультациялау, төрлө дин тотҡан хәрбиҙәр араһында дини-ара тыныслыҡ һәм татыулыҡты һаҡлау, стресс ситуациялары эҙемтәләрен бөтөрөүгә булышлыҡ итеү ҙә ҡаралған.

Үҙәк хәрби округта йәмғеһе 24 диндарҙар менән эшләү буйынса командир ярҙамсылары вазифаһы ҡаралған. Шуларҙың алтауһы эш башланы ла инде, тип хәбәр иттеләр Үҙәк хәрби округының матбуғат хеҙмәтенән.

#ҡораллы көстәр һәм йәмғиәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.