Өфөлә кеше хоҡуҡтарын һәм азатлыҡтарын тәьмин итеү буйынса бөтә Рәсәй конференцияһы үтәсәк

Өфөлә 8 декабрҙә «Кеше һәм граждан хоҡуҡтарын һәм азатлыҡтарын тәьмин итеү өлкәһендә дәүләт һәм йәмғиәттең көнүҙәк мәсьәләләре» бөтә Рәсәй фәнни-ғәмәли конференцияһы үтәсәк. Сара Дөйөм кеше хоҡуҡтары декларацияһын ҡабул итеүгә 63 йыл тулыу айҡанлы һәм Рәсәй Эске эштәр министрлығының Өфө юридик институты нигеҙендә ойошторола.

Берләшкән Милләттәр Ойошмаһының Мәскәүҙәге Мәғлүмәт үҙәге директоры Александр Горелик, Рәсәйҙең Берләшкән Милләттәр Ойошмаһына булышлыҡ итеү ассоциацияһы рәйесенең беренсе урынбаҫары, Мәскәү дәүләт халыҡ-ара мөнәсәбәттәр институты ҡарамағындағы кеше хоҡуҡтары һәм демократия буйынса ЮНЕСКО кафедраһы мөдире Алексей Борисов, Башҡортостан Республикаһының дәүләт власы һәм идара итеү органдары етәкселәре, хоҡуҡ һаҡлау органдары хеҙмәткәрҙәре, Рәсәйҙең алдынғы юғары уҡыу йорттары ғалимдары конференция эшендә ҡатнашасаҡ.