М.Аҡмулла исемендәге БДПУ-ла I Халыҡ-ара йәш ғалимдар мәктәп-конференцияһы үтә

Эльмира Сабирова

I «Спорт: медицина, генетика, физиология, биохимия, педагогика, психология һәм социология» Халыҡ-ара йәш ғалимдар мәктәп-конференцияһы М.Аҡмулла исемендәге Башҡорт дәүләт педагогия университетында асылды.

Юғары уҡыу йортоноң матбуғат үҙәгенән хәбәр итеүҙәренсә, форум Мәскәү, Ҡазан, Омск, Силәбе ҡалаларынан, шулай уҡ Беларусь Республикаһы һәм Украинанан спорт индустрияһы профессионалдарын йыйған. Үҙ тәжрибәһе менән ғилми үҙәк һәм университет хеҙмәткәрҙәре генә түгел, спортсылар һәм тренерҙар ҙа уртаҡлашасаҡ.

Мәктәп программаһында Рәсәйҙең һәм сит илдәрҙең алдынғы ғалимдарының лекциялары ҡаралған. Улар менән бер рәттән үҙ проекттарын йәш ғалимдар, аспиранттар һәм студенттар тәҡдим итәсәк.

Пленар ултырыш, түңәрәк өҫтәлдәр, секциялар эшенән тыш, спорт ярыштары ла планлаштырыла. Мәҫәлән, кесе йома, 24 ноябрҙә, халыҡ-ара шашка буйынса биш тапҡыр донъя чемпионы Тамара Танһыҡҡужина М.Аҡмулла исемендәге Башҡорт дәүләт педагогия университетының яңы спорт-һауыҡтырыу комплексында бер юлы ғилми конференцияла ҡатнашыусылар һәм сара ҡунаҡтары менән шашка буйынса көс һынашасаҡ.

Сараны Беларусь Республикаһы Милли фәндәр академияһының Биоорганик химия институты менән берлектә БДПУ үткәрә.

#фән #вуздар #конференциялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.