Понедельник, 4 Мая 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:03 (UTC+5), 11 Ноября 2011

Башҡортостанда Милли теннис үҙәген төҙөү планлаштырыла

Дмитрий Слезин | фото: Олег Яровиков

Кесе йома, 10 ноябрҙә, Башҡортостан Президенты Рөстәм Хәмитов Рәсәй Теннис федерацияһы президенты Шамил Тарпищев менән осрашты.

Осрашыуҙа Башҡортостанда был спорт төрөн үҫтереү мәсьәләһе тикшерелде.

— Һеҙҙе күптән көттөк, килеүегеҙгә бик шатбыҙ, - тине республика Президенты. – Башҡортостан – теннис республикаһы. Был өлкәлә беҙҙең матур йолаларыбыҙ, бай тарихыбыҙ бар, белгестәр ҙә етди әҙерләнгән. Ҡасандыр Салауат ҡалаһы ла теннис үҙәге булып торҙо, әммә төрлө сәбәптәр арҡылы хәҙер унда теннис юғары кимәлдә түгел. Ләкин был спорт төрөн артабан үҫтерәсәкбеҙ.

Рөстәм Хәмитов ҙур теннисты үҫтереү буйынса пландары менән бүлеште.

— Беҙгә ярҙам итерһегеҙ, Федерация һәм республика араһында хеҙмәттәшлек итеү тураһындағы килешеүгә ҡул ҡуйырһығыҙ, тип ышанабыҙ. Спорт объекттары менән танышырға, аҙаҡтан ҙур ярыштар үткәреү өсөн уларҙы үҙебеҙҙә төҙөргә теләр инек.

Беҙ һәр яҡлап хеҙмәттәшлек итергә әҙербеҙ. Теннис федерацияһы менән эшләргә, кәрәк икән, унда яҡшы белгестәребеҙҙе ебәрергә була. Был эштә шәхсән үҙем ҡатнашырға әҙермен. Шуға күрә һеҙ килеп ҡайтҡандан һуң, барлыҡ теннис донъяһының: «Эйе, Өфө яңынан күтәрелә», - тип әйтеүен теләр инем, - тип һыҙыҡ өҫтөнә алды Президент.

— Өфө, Башҡортостан теннис өлкәһендә йолаларға бай, улар Советтар Союзы заманынан уҡ ҡалған. Шулай уҡ бында яҡшы тренерҙар, спортсыларҙы техник яҡтан тәьмин итеү йәһәтенән яҡшы белгестәр бар. Башҡортостан был йәһәттән көслө төбәктәрҙең береһе булып тора. Һеҙ әйткәндәрҙе бергәләп тормошҡа ашырыуға өлгәшһәк, барыһы ла тиҙ арала алға китәсәк, - тип билдәләне Шамил Тарпищев.

Шамил Тарпищев Президентҡа Башҡортостанда теннис буйынса Рәсәй чемпиондарының булыуын да иҫләтте.

— Халыҡ-ара теннис федерацияһы статистикаһы буйынса, беҙҙҙең ил һуңғы 10 йыл эсендә донъя теннисында беренсе килә. Теннис менән 207 ил шөғөлләнә. Халыҡ-ара федерация ағзалары араһында 200-ҙән ашыу илдә 4 спорт төрө бар: теннис, волейбол, футбол һәм еңел атлетика. Хәҙер донъя теннисында спортсылар йыл әйләнәһенә уйнай.

2012 йылдың ғинуар айында уҡ Өфөлә 12 йәшкә тиклемге спортсылар өсөн халыҡ-ара балалар турнирын үткәреү планлаштырыла. Бынан тыш, ғинуар-февраль айҙарында Рәсәйҙең балалар командаһы йыйылышы, шулай уҡ зона Европа ярыштары үтәсәк, тип хәбәр итте Шамил Тарпищев.

Өфөлә Теннис үҙәге 2012 йылда төҙөлә башлаясаҡ, тип ышана Шамил Әнүәр улы. Әлеге ваҡытта спорт бинаһы өсөн майҙансыҡ һайлана, шулай уҡ 8-10 проект тәҡдим ителәсәк.

1 из 20

#теннис #спорт биналары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.