Рөстәм Хәмитов «Башҡортостан Республикаһында Яңы 2012 йылды байрам итеү тураһында»ғы Указға ҡул ҡуйҙы

"Башинформ"

Башҡортостан Президенты Рөстәм Хәмитов «Башҡортостан Республикаһында Яңы 2012 йылды байрам итеү тураһында»ғы указға ҡул ҡуйҙы. Указ менән Яңы йыл сараларын әҙерләү һәм үткәреү буйынса республика ойоштороу комитеты составы раҫланды.

Ойоштороу комитетына район һәм ҡала хакимиәттәре, профсоюздар һәм башҡа йәмәғәт берекмәләре менән берлектә мәғариф һәм мәҙәниәт учреждениеларында, тораҡ пункттарҙың майҙандарында Яңы 2012 йылды байрам итеүгә арналған карнавалдар, театрлаштырылған тамашалар һәм башҡа сараларҙы әҙерләү һәм үткәреүҙе тәьмин итергә ҡушылды.

Документҡа ярашлы, республика райондары һәм ҡалаларынан саҡырылған уҡыу алдынғылары, предмет олимпиадалары һәм спорт ярыштары еңеүселәре, үҙешмәкәр сәнғәт фестивале лауреаттары, шулай уҡ бурысын үтәгәндә һәләк булған хәрби хеҙмәткәрҙәрҙең һәм эске эштәр органдары хеҙмәткәрҙәренең балалары ҡатнашлығында 2011 йылдың 21 декабрендә «Нефтсе» мәҙәниәт һарайында Президент шыршыһы үтәсәк.

Ойоштороу комитетына күләмле Яңы йыл сараларын үткәргәндә йәмәғәт тәртибен һаҡлауҙы, янғын хәүефһеҙлеген, медицина персоналының дежур итеүен, шулай уҡ балаларҙы транспорт менән ташыуҙа хәүефһеҙлекте тәьмин итергә ҡушылған. Яңы йыл байрамын тулыһынса киң мәғлүмәт сараларында яҡтыртыу, Яңы йыл байрамдарында һәм ҡышҡы каникул осоронда балалар өсөн мәҡәләләр һәм тапшырыуҙар циклын әҙерләү ойоштороласаҡ.

Башҡортостан Республикаһы Хөкүмәте Президент шыршыһын әҙерләү һәм үткәреү буйынса сараларҙы финанслауҙы, уның ҡатнашыусылары өсөн «Салют» шифаханаһында өс көнлөк ял ойоштороуҙы, 14 йәшкә тиклемге биш һәм унан күберәк балалы ғаиләләрҙән булған бәлиғ йәшкә етмәгән балаларға Яңы йыл бүләктәре һатып алыуҙы, шулай уҡ башланғыс, урта һәм юғары белем биреү учреждениеларында белем алыусы етемдәргә матди ярҙам күрһәтеүҙе тәьмин итергә тейеш.

Район һәм ҡала хакимиәттәренә үҙҙәренең һәм йәлеп ителгән средстволар иҫәбенә балалар йорттарында һәм интернаттарҙа тәрбиәләнгән инвалид һәм етем балаларға Яңы йыл бүләктәре тапшырыуҙы тәьмин итергә кәңәш ителде.

Өфө ҡалаһы хакимиәтенә иһә «Нефтсе» мәҙәниәт һарайы бинаһын һәм уның биләмәһен Президент шыршыһына әҙерләү буйынса саралар күрергә ҡушылды, тип хәбәр итә республика башлығының матбуғат хеҙмәте.

#бр президенты указы #яңы йыл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.