Башҡорт дәүләт медицина университетын тамамлаусылар «Земство табибы» программаһы проекты менән танышты

Әлфиә Әһлиуллина

Башҡортостандың «Берҙәм Рәсәй» партияһының «Земство табибы» проекты тормошҡа ашырыласаҡ төбәктәр иҫәбенә инеүе ихтимал. Бөгөн федераль программа проекты менән Башҡорт дәүләт медицина университетын тамамлаусылар таныша алды. Сараны вуз хакимиәте ярҙамында «Берҙәм Рәсәй» партияһының төбәк сәйәси советы ағзалары ойошторҙо. Студенттар менән асыҡ һөйләшеүҙә «Берҙәм Рәсәй» партияһының төбәк сәйәси советы ағзаһы Рөстәм Игбаев, Башҡортостан Республикаһы Һаулыҡ һаҡлау министрлығының кадрҙар менән тәьмин итеү һәм дәүләт граждандар хеҙмәте бүлегенең баш белгес-эксперты Раян Миһранов, БДМУ-ның клиник ординатура һәм интернатура бүлеге начальнигы Фларис Мусин һәм башҡалар ҡатнашты.

«Земство табибы» федераль программаһы 2012 йылдың 1 ғинуарынан эшен башламаҡсы. Программа ауыл еренә йәш белгестәрҙе йәлеп итеү сараларын күҙ уңында тота. Шулай итеп, биш йыл дауамында ауыл дауаханаларында эшләргә теләүсе һәр табипҡа дәүләттән 1 миллион һум бүленәсәк. Был инициатива менән «Берҙәм Рәсәй» партияһы һәм Дөйөм Рәсәй халыҡ фронты лидеры, РФ Премьер-министры Владимир Путин сығыш яһаны.

Программа әлегә эшләнеү өҫтөндә, шуға күрә студенттар барлыҡ һорауҙарына ла тулы яуап ала алманы. Әммә, Рөстәм Игбаев һүҙҙәренсә, йыл аҙағынаса программа эшләнеп бөтәсәк.

«Земство табибы» проекты, тәү сиратта, ауылдарҙа һаулыҡ һаҡлауҙың сифат кимәлен арттырыуға йүнәлтелгән, тип билдәләне Рөстәм Игбаев.

— Бөгөн ауыл ерендә белгестәр етешмәй. Күпселек осраҡта был социаль-көнкүреш, торлаҡ мәсьәләләре, түбән эш хаҡы менән бәйле. «Земство табибы» проекты был проблеманы хәл итергә реаль мөмкинлек бирә, - тине Рөстәм Игбаев.

Программаның ҙур потенциалы бар һәм уны уңышлы тормошҡа ашырғанда, ауыл ерендә һаулыҡ һаҡлау өлкәһендә һиҙелерлек һөҙөмтәләргә өлгәшеп була, тип билдәләне ул.

#проекттар #медицина университеты #һаулыҡ һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.