Шишмәлә 8 айлыҡ сабыйҙың үлеме буйынса тикшереү бара

Табиптар эшмәкәрлегенә ялыу менән ирле-ҡатынлылар – Шишмә кешеләре Республика буйынса Тәфтиш комитетына мөрәжәғәт иткән. 4 октябрҙә район дауаханаһында уларҙың 8 айлыҡ ҡыҙҙары вафат булған. Сабыйҙы 3 октябрҙә балалар бүлексәһенә һалғандар. Әлеге ваҡытта медиктарҙан һорау алына, суд-медицина тикшереүе билдәләнгән. Өҫтәп тикшереү һөҙөмтәләре буйынса тәфтишселәр процессуаль ҡарар ҡабул итәсәк, тип хәбәр иттеләр Башҡортостан буйынса Тәфтиш комитетынан.