Башҡортостан һәм Өфө яңылыҡтары
60.88
-0.19
63.05
-0.34
88.64
+1.67
-13 °C
Болотло
Бөтә яңылыҡтар
Йәмғиәт
19 Октябрь 2011, 17:46

Мишкә районында мари композиторы Алексей Искәндәровҡа һәйкәл асылды

Мишкә районының Ирсай ауылында билдәле мари композиторы Алексей Искәндәровҡа бюст асылды.
«Башинформ» агентлығына «Мишкә» мари тарихи-мәҙәни үҙәге методисы Людмила Алексеевна хәбәр итеүенсә, һәйкәлде асыу өсөн Мишкә, Бөрө, Ҡалтасы райондары һәм Өфө ҡалаһы халҡы аҡса йыйған.
Бюсты асыу тантанаһына күрше райондарҙан, Өфө һәм Йошкар-Ола ҡалаларынан делегаттар килде.
— Был Ирсай ауылы кешеләре өсөн генә түгел, бөтә Мишкә районы халҡы өсөн дә көтөп алынған ваҡиға булды, - тип билдәләне Людмила Имаева. – Алексей Искәндәров бөйөк композитор булараҡ Йошкар-Ола ҡалаһында формалашҡан, әммә уйҙары менән ул һәр саҡ тыуған яғында булған. Тыуған төйәгенең илаһи моңдарын ул ноталарға һалған. Бюсты асыу – уның бәләкәй ватанына үҙенә күрә ҡайтыуы булды.
Автор:Тимур Рәхмәтуллин
Читайте нас в