Башҡортостан һәм Өфө яңылыҡтары
58
-0.1
55.93
-0.55
84.65
+0.59
2+ °C
Болотло
Бөтә яңылыҡтар
Йәмғиәт
19 Октябрь 2011, 10:31

Өфөлә 2011 йылдың иң яҡшы йәш ғаиләһе һайланасаҡ

«Йәш ғаилә-2011» ҡала конкурсы финалы Өфөлә шәмбе, 22 октябрҙә, үтәсәк. Башҡортостандың Йәштәр сәйәсәте һәм спорт министрлығынан хәбәр итеүҙәренсә, төп приз өсөн район турҙарында еңеү яулаған ете йәш ғаилә көс һынашасаҡ: Дим районынан Мавриндар ғаиләһе, Калинин районынан Вәлиевтар, Киров районынан Ғатауллиндар, Ленин районынан Гладковтар, Октябрь районынан Уйылдановтар, Орджоникидзе районынан Мифтахетдиновтар һәм Совет районынан Ларионовтар.
Бәйге номинациялары - «Беҙ барыбыҙ ҙа бала саҡ иленән» визиткаһы», «Беҙҙең өйҙөң йәме» балалар конкурсы һәм «Ғаилә яҙмышында – ил яҙмышы» (күргәҙмә-презентация).
Еңеүсе ғаилә «Йәш ғаилә-2011» республика конкурсында ҡатнаша аласаҡ.
Сарала ҡатнашыусы барлыҡ ғаиләләргә Өфө хакимиәтенең һәм бағыусыларҙың ҡиммәтле бүләктәре һәм дипломдары тапшырыласаҡ. Финал Башҡорт дәүләт ҡурсаҡ театрында үтәсәк.
Автор:Эльмира Сабирова
Читайте нас в