Өфөлә приют балалары өсөн хәйриә байрамы ойошторола

Галина Бахшиева

Шәмбе, 15 октябрҙә, Өфөлә Башҡортостан приюттарында тәрбиәләнгән балалар өсөн хәйриә байрамы үткәреләсәк. Төбәктең Хеҙмәт һәм халыҡты социаль яҡлау министрлығының матбуғат хеҙмәтенән хәбәр итеүҙәренсә, баш ҡалаға яҡын райондарҙан 20 бала киләсәк. Акцияны БР Хеҙмәт һәм халыҡты социаль яҡлау министрлығы, Өфө трикотаж фабрикаһы һәм «Аҡбуҙат» ипподромы ярҙамында «Мәрхәмәт» хәйриә фонды ойошторған.

Әйткәндәй, был балалар йорттары тәрбиәләнеүселәре өсөн «Мәрхәмәт» хәйриә фонды менән ойошторолған беренсе байрам түгел. Мәҫәлән, күптән түгел бер төркөм балалар Өфөгә, «Родина» кинотеатрына 3D форматында фильм ҡарарға килеп ҡайтты.

Был юлы иһә балалар Өфө ипподромында ике сәғәт дауамында аттарҙа йөрөйәсәк. Артабан уларҙы «Аҡбуҙат» ресторан комплексында төшкө байрам ашы, шулай уҡ бүләктәр һәм Башҡортостандың баш ҡалаһы буйынса экскурсия көтә. Приюттарҙа тәрбиәләнеүселәр ҡаланың боронғо өлөшөн, Каруанһарайҙы, Салауат Юлаев һәйкәлен, «Ләлә-Тюльпан» мәсете-мәҙрәсәһен, Еңеү паркын һәм башҡа иҫтәлекле урындарҙы күрәсәк.

Иң һуңынан уларҙы Йәштәр һарайында билдәле Юрий Куклачев театрының «Минең яратҡан бесәйҙәрем» спектакле көтә.

#мәрхәмәт #социаль яҡлау #балалар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.