Бәләбәй районында сыуаш шағиры Яков Ухсайҙың юбилейы билдәләнәсәк

Тимур Рәхмәтуллин

Башҡортостандың Бәләбәй районында Сыуаш Республикаһының халыҡ шағиры Яков Ухсайҙың тыуыуына 100 йыл тулыуға арналған тантаналы саралар үтәсәк. Был хаҡта «Башинформ» агентлығына Бәләбәй районы хакимиәтенең мәҙәниәт бүлегенән хәбәр иттеләр.

Тантанала Сыуашстан Хөкүмәте вәкилдәре, республиканың мәҙәниәт эшмәкәрҙәре, студенттар һәм йәмәғәт эшмәкәрҙәре, шул иҫәптән шағирҙың ҡыҙы Елена Ухсай ҙа ҡатнашасаҡ. Ҡунаҡтар делегацияһын Сыуашстан мәҙәниәт министрының милләт эштәре, мәғлүмәт сәйәсәте һәм архив эштәре буйынса беренсе урынбаҫары Вячеслав Фошин етәкләй. Башҡортостандан Башҡортостан сыуаштары канашы башҡарма комитеты рәйесе Валерий Сидоров һәм БР Сыуаш мәҙәниәте йәмғиәте рәйесе Юрий Михайлов ҡатнаша.

Бөгөн кисен Бәләбәй һәм Туймазы райондары сигендә ҡунаҡтарҙың эш осрашыуы үтәсәк.

Шағирҙың тыуған ерендә – Бәләбәй районының Слаҡбаш ауылындағы тантаналар иртәгә, 14 октябрҙә, башлана. Ҡунаҡтар Яков Ухсай һәйкәленә һәм ҡәберенә сәскәләр һаласаҡ, музейҙарға барасаҡ. Артабан сәнғәт оҫталары ҡатнашлығындағы әҙәби-музыкаль программа көтөлә.

Саралар Бәләбәйҙең Үҙәк мәҙәниәт һарайындағы тантаналы кисә менән ябыласаҡ.

Белешмә өсөн. Яков Гаврилович Ухсай (Никифоров) – Башҡортостанда тыуып үҫкән күренекле сыуаш шағиры. Өфөлә һәм Мәскәүҙә белем алған, сәйәси хеҙмәткәр һәм журналист сифатында Бөйөк Ватан һуғышында ҡатнаша. Ухсай әҫәрҙәре киң танылыу алған, уның бихисап шиғырҙары тыуған яғына арналған. Милли әҙәбиәтте үҫтереүҙәге ҡаҙаныштары өсөн ул Сыуашстандың халыҡ шағиры, Сыуаш Республикаһының атҡаҙанған сәнғәт эшмәкәре исеменә лайыҡ була. Уға Сыуашстандың К. Иванов исемендәге дәүләт премияһы бирелә. «Бала сағым йондоҙо» («Звезда моего детства») трилогияһы өсөн ул РСФСР-ҙың М.Горький исемендәге дәүләт премияһын ала. Шағир 1986 йылда вафат булған. Тыуған ерендә, Бәләбәй районының Слаҡбаш ауылында ерләнгән.

#хәтер #милли мәҙәниәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.