Өфөлә IV төрки телле илдәр социологтары конгресы асылды

Марина Шумилова

Баш ҡалала, Өфө дәүләт авиация техник университетының йыйылыштар залында, 4 октябрҙә «Евразия киңлеге: XXI быуатта төрки телле илдәрҙең һәм Рәсәй төбәктәренең цивилизация ҡеүәте» IV төрки телле илдәр социологтары конгресы асылды. Сараны ойоштороусылар – Башҡортостандың Социологтар ассоциацияһы, Башҡортостан Республикаһының Фәндәр академияһы, Өфө дәүләт авиация техник университеты, Башҡорт дәүләт университеты, Башҡортостан Республикаһы Профсоюз кадрҙарының квалификацияһын күтәреү институты.

Фәнни форумда Рәсәй, Ҡаҙағстан, Әзербайжан, Үзбәкстан, Ҡырғыҙстан, Төркмәнстан, Тажикстан, Төркиә, Болгария, Венгрия, Германияның алдынғы социологтары, сәйәсмәндәре, философтары, мәҙәниәт белгестәре йыйылған. Уның эшендә төрки телле илдәрҙең Социологтар союзы һәм Халыҡ-ара социологтар ассоциацияһы вәкилдәре ҡатнаша.

4 октябрҙә конгрестың пленар ултырышы үтә. Иртәгә, 5 октябрҙә, сарала ҡатнашыусылар дүрт секция эшендә ҡатнашасаҡ.

Төрки телле илдәр социологтары конгресы 2005 йылдан башлап үткәрелә. I конгресс – Төркиәлә, II конгресс – Ҡаҙағстанда, III – Ҡырғыҙстанда үткән. Төрки телле илдәрҙең Социологтар ассоциацияһы вице-президенты Хайати Тюфекчиоглу һүҙҙәренсә, дүртенсе конгресты ҡабул итергә теләүселәр күп булған. Беренсенән, Башҡортостандың социологтар мәктәбе сит илдә лә киң билдәле булғанлыҡтан, икенсенән, республика етәкселеге тарафынан конгресты әҙерләүҙә ҙур ярҙам күрһәтелгәнгә күрә, Төрки телле илдәрҙең Социологтар ассоциацияһы Өфөлә туҡталған. Фәнни берләшмә ағзалары фекеренсә, Башҡортостан һәм Рәсәй социологтары тәжрибәһе милләт-ара һәм конфессия-ара мөнәсәбәттәрҙе нығытыуҙа айырыуса мөһим, сөнки Көнбайышта был мәсьәләләр ул тиклем тәрән өйрәнелмәгән.

#фән #конгрестар #социология

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.