100 йәше тулыр алдынан Белорет аҡһаҡалы яңы торлаҡҡа сертификат алды

Үҙенең юбилейы – 100 йәше алдынан Белорет районы Егәҙе ауылы аҡһаҡалы, Бөйөк Ватан һуғышы инвалиды Ильяс Хәнипов «Ветерандар тураһында»ғы Федераль законға ярашлы торлаҡ һатып алыуға социаль түләү бирелеүе тураһында таныҡлыҡ алды.

Ильяс Хәнип улы Хәнипов 1911 йылдың 15 октябрендә тыуған. Ул 1933 йылда армияға хеҙмәткә алына һәм 49-сы уҡсылар батальоны составында ике йыл хеҙмәт итә. 201-се уҡсылар полкы составында фин компанияһында ҡатнаша. Бөйөк Ватан һуғышы башланғас, 1941 йылдың авгусында уҡ Ильяс Хәнипов фронтҡа оҙатыла. Тәүҙә сапер. артабан пулеметсы була. Ауыр яралана һәм әле лә эсендә снаряд ярсығы йөрөтә. Сталинград һуғышында ҡатнаша, Будапештҡа тиклем барып етә. Ильяс Хәнип улы Ватан һуғышы ордены, «Батырлыҡ өсөн» миҙалы һәм Жуков миҙалы менән наградланған. Ул 11 бала үҫтергән. Ильяс Хәнип улының 33 ейән-ейәнсәре, 22 бүлә-бүләсәре һәм 9 тыуаһы бар.

Кисә Белорет районы муниципаль район хакимиәте башлығының беренсе урынбаҫары Илгиз Теләүбаев, Егәҙе ауыл советы башлығы Рәил Ғәлиуллин, Белорет районы хакимиәтенең торлаҡ секторы белгесе Юлия Черепенькина, урындағы журналистар юбилярҙа ҡунаҡта булды. Улар ветеранды йөҙ йыллыҡ юбилейы, Ололар көнө менән ҡотланы һәм яңы торлаҡ һатып алыуға сертификат тапшырҙы. Ҡунаҡтар Ильяс Хәнип улына ҡаһарманлығы һәм эшһөйәрлеге өсөн рәхмәт белдерҙе, уға һәм уның яҡындарына сәләмәтлек һәм именлек теләне. Был хаҡта «Башинформ» агентлығына Белорет районы хакимиәтенең мәғлүмәт-аналитика бүлеге баш белгесе Ольга Колесникова хәбәр итте.

#ветерандар #социаль яҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.