Ҡурай, бишбармаҡ һәм Салауат Юлаев шиғырҙары эстондарҙы хайран итте

Тимур Рәхмәтуллин | фото: Флүзә Хәйруллина

Таллинн, Нарва һәм Йыхви ҡалаларында Эстония халыҡтары көндәре үтте. Унда «Ағиҙел» башҡорт йәмғиәте вәкилдәре лә ҡатнашты. Был хаҡта «Башинформ» агентлығына йәмғиәт етәксеһе Флүзә Хәйруллина хәбәр итте.

Беренсе көндә Таллиндағы Уҡытыусылар йортонда Эстония халыҡтары берләшмәһенең форумы үтте. Тәүге тапҡыр бында Салауат Юлаевтың эстон теленә тәржемә ителгән шиғырҙары яңғыраны.

Тәржемәләр менән шөғөлләнгән шағирә Ли Сеппел башҡорт геройы шиғырҙарын үҙе уҡып ишеттерҙе. Опера йырсыһы Виллу Валдмаа менән ҡурайсы Илнур Хәйруллин «Уралым» йырын башҡарҙы.

Флүзә Хәйруллина әйтеүенсә, зал ҡурай моңон һәм күңелгә үтеп инерлек шиғырҙарҙы иҫе китеп тыңланы.

Эстония халыҡтары берләшмәһе президенты Тимур Сәйфуллиндың билдәләүенсә, форумда Ли Сеппел һәм Виллу Валдмаа кеүек илдең күренекле сәнғәт әһелдәре ҡатнашыуы сараның юғары статусын, шул иҫәптән «Ағиҙел» йәмғиәтенең абруйын да билдәләне.

Шулай уҡ Таллиндың Ратуша майҙанында этнойәрминкә асылды, унда халыҡ кәсептәре изделиелары һәм милли ризыҡтар тәҡдим ителде. Башҡорт йәмғиәте традицион һый-ниғмәт: бишбармаҡ, өсбосмаҡ, сәк-сәк, бәрәмәс менән һыйланы. Бынан тыш, башҡорт мөйөшөн ҡурай моңо биҙәне.

— Ҡурай моңон ишетеп, милли башҡорт костюмдарында булыуыбыҙҙы күреп, күптәр беҙҙең менән аралашырға килде, — ти Флүзә Хәйруллина. – Мәҙәниәтебеҙ һәм йолаларыбыҙҙы һаҡлағаныбыҙ өсөн рәхмәт белдерҙеләр, беҙҙе байрамдың бер биҙәге тип атанылар.

#башҡорттар сит илдә #милли мәҙәниәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.