Баш ҡала пенсионерҙарына бушлай төрлө хеҙмәттәр күрһәтеләсәк

Галина Бахшиева

Өфөлә 1 һәм 2 октябрҙә, «Ғүмерҙең алтын мәле» проекты сиктәрендә, ололар өсөн бер нисә сара үткәреләсәк, уларға төрлө хеҙмәттәр күрһәтеләсәк. Башҡортостан Хеҙмәт һәм халыҡты социаль яҡлау министрлығы, «Аркада» идара итеү компанияһы, социаль сәйәсәт менеджерҙары ассоциацияһы һәм «Уфанет» асыҡ акционерҙар йәмғиәте сараны башлап ебәреүсе булып сығыш яһай.

Шулай итеп, алдағы ял көндәрендә «Өфө» универмагы бинаһында 11-ҙән 16 сәғәткә тиклем ололар юристарҙан, шулай уҡ федераль һәм республика министрлыҡтары һәм ведомстволары вәкилдәренән консультация аласаҡ. Урында уҡ пенсионерҙарға бушлай флюорография үтеү, ҡан баҫымын үлсәү һәм электрокардиограмма эшләү мөмкинлеге биреләсәк. Бынан тыш 10-сы һөнәрселек лицейының уҡыу-эксперименталь оҫтаханаһы уҡытыусылары һәм уҡыусылары өлкәндәргә парикмахер хеҙмәттәрен күрһәтәсәк.

Башҡортостандың хеҙмәт һәм халыҡты социаль яҡлау министры Ленара Иванова хәбәр итеүенсә, «Уфанет» компанияһы башланғысы менән универмаг бинаһында пенсионерҙар интернетта эшләү серҙәренә лә төшөнә аласаҡ.

Шундай уҡ саралар Башҡортостан баш ҡалаһының Калинин районында Мәскәү дәүләт гуманитар университетының Өфөләге филиалы бинаһында ойоштороласаҡ, тип өҫтәне Ленара Иванова.

1-15 октябрҙә «Өфө» универмагы» сауҙа комплексы магазиндары пенсионерҙарға ташламалар тәҡдим итәсәк. Бынан тыш 1 һәм 2 октябрҙә, Халыҡ ара ололар көнө айҡанлы, Өфөнөң ҡайһы бер магазиндарында һәм дарыуханаларында был категория граждандары өсөн шулай уҡ ташламалар буласаҡ.

#социаль яҡлау #ололар көнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.