Республика райондарында ололар – иғтибар үҙәгендә

Әлим Фәйезов

Башҡортостан райондарында ололар – иғтибар үҙәгендә. Шулай итеп, Хәйбулла районында ошо көндәрҙә йола буйынса «Мәрхәмәтлек айлығы» үтә. Программаға нигеҙҙә Ололар көнөнә арналған саралар ингән. Бөгөн 110-сы һөнәрселек училищеһы үҙҙәренең пенсионерҙарын һәм нвалидтарын тәүгеләрҙән булып ҡунаҡҡа саҡырған. Сәй эсеп алғандан һуң, уҡыу йорто студенттары концерт күрһәткән. Үҙ хужалыҡтары булған оло йәштәгеләр өсөн етәкселек тарафынан да бүләк әҙерләнгән ине – бер центнер бойҙай.

Бер ай дауамында райондың хеҙмәт һәм халыҡты социаль яҡлау бүлеге һәм Халыҡты социаль хеҙмәтләндереү үҙәге оло йәштәгеләрҙең торлаҡ-көнкүреш шарттарын тикшереү буйынса әүҙем эш алып бара, һөҙөмтәләр буйынса ололарға тейешле ярҙам күрһәтеләсәк. Мәғариф учреждениеларының шефлыҡ командалары яңғыҙ йәшәгән ололарға хужалыҡ буйынса ярҙам итә.

Айлыҡ сиктәрендә һуғыш һәм хеҙмәт ветерандары советы, мәғариф хеҙмәткәрҙәренең профсоюз ойошмаһы 27 сентябрҙә уҡытыусылар – педагогик хеҙмәт ветерандары өсөн экскурсия ойошторасаҡ. Пенсионерҙар Бүребай, Йәнтеш ауылдарының яңы мәктәптәре менән танышасаҡ, капиталь ремонт эшләнгән Аҡъяр ауылы мәктәбен күрәсәк. Ойоштороусылар кисәге уҡытыусыларға яңы уҡытыу мөмкинлектәрен дә күрһәтәсәк.

Шулай уҡ ошо көндәрҙә районда «Халыҡ университеты» республика программаһы проектын тормошҡа ашыра башлау планлаштырыла. 110-сы һөнәрселек училищеһы һәм Бүребай ауылы мәктәбе нигеҙендә оло йәштәгеләр компьютерҙа эшләргә өйрәнәсәк һәм физик культура менән шөғөлләнәсәк.

«Мәрхәмәтлек айлығы» акцияһы 20 октябргә тиклем дауам итәсәк, тип хәбәр иттеләр район хакимиәтенең мәғлүмәт-аналитика бүлегенән.

#ололар көнө #мәрхәмәтлек #социаль яҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.