Рөстәм Хәмитов Татарстанда Башҡортостан мәҙәниәте көндәрен асыу тантанаһында ҡатнашты

Ғәлиә Нәбиева | фото: Олег Яровиков

Башҡортостан Президенты Рөстәм Хәмитов һәм Татарстан Президенты Рөстәм Миңлеханов Ҡаҙанда Башҡортостан мәҙәниәте көндәрен асыу тантанаһында ҡатнашты. Көн элгәре Башҡортостандың рәсми делегацияһы Татарстандың эре предприятиеларында һәм 2013 йылғы Универсиадаға төҙөлөүсе спорт объекттарында булды. Ҡаҙан Кремлендә хеҙмәттәшлекте үҫтереү мәсьәләләре буйынса киңәйтелгән кәңәшмә үтте.

Көндөң икенсе яртыһында күршеләш республикаларҙың башлыҡтары М.Йәлил исемендәге Татар дәүләт академия опера һәм балет театры алдындағы майҙанда төҙөлгән башҡорт этнофольклор ауылының ҡунаҡтары булды.

Башҡорт дәүләт опера һәм балет театры хоры һәм БР Милли симфоник оркестры оҙатыуында Рәсәйҙең һәм Башҡортостандың халыҡ артисткаһы Флүрә Килдейәрова «Буранбай» йыры менән Башҡортостандың сәнғәт оҫталарының концертын асты.

Артабан тамашасыларҙы Татарстан һәм Башҡортостан Президенттары тәбрикләне.

— Бөгөн Ҡаҙанда Башҡортостан делегацияһы булыуы ҡыуаныслы хәл, — тине Татарстан башлығы. — Бөгөнгө көн беҙҙең мөнәсәбәттәр тарихындағы мөһим дата буласаҡ, тип уйлайым.

Рөстәм Хәмитов үҙ сиратында башҡорт шағирының “беҙҙең халыҡтар — игеҙәк туғандар” тигән һүҙҙәрен цитата итеп килтерҙе.

— Беҙ бөгөн бик күп темалар буйынса фекер алыштыҡ, — тип һыҙыҡ өҫтөнә алды Рөстәм Хәмитов. — Беҙ үҫеш, алға барыу, мөнәсәбәттәрҙе динамик үҫтереү тураһында һөйләштек. Беҙ бергәләп үҫәбеҙ, бер-беребеҙгә ярҙам итәбеҙ һәм бер-беребеҙгә кәрәкбеҙ.

Артабан ике республиканың етәкселәре Башҡортостандың һәм Татарстандың данлыҡлы артистарына, йәмәғәт эшмәкәрҙәренә дәүләт наградалары тапшырҙы.

Тантана Ф.Ғәскәров исемендәге дәүләт академия халыҡ бейеүҙәре ансамбле башҡарыуындағы «Азамат» башҡорт халыҡ бейеүе һәм «Тверские гуляния» рус халыҡ бейеүе менән дауам итте. Был кистә Башҡортостандың халыҡ артистары башҡарыуындағы халыҡ йырҙары яңғыраны, шулай уҡ төрлө халыҡ бейеүҙәре, шул иҫәптән татар йәштәре бейеүе башҡарылды.

#бр президенты #башҡортостан мәҙәниәте көндәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.