Өфө студенттарына буласаҡ пенсияны алдан хәстәрләү кәрәклеге хаҡында һөйләйәсәктәр

27 сентябрҙә РФ Пенсия фондының Өфөнөң Октябрь районы буйынса идаралығында (Р. Зорге урамы, 33) Бөтә Рәсәй Пенсия грамоталылығы көнө билдәләнәсәк.

Октябрь районы хакимиәтенең мәғлүмәт-аналитика бүлегенән хәбәр итеүҙәренсә, Идаралыҡ белгестәре менән осрашыуға Башҡорт медицина колледжы студенттары саҡырылған. Буласаҡ медиктарға пенсияның нисек тәғәйенләнеүе һәм түләнеүе хаҡында мәғлүмәт биреләсәк. Экскурсия барышында улар ҡыҙыҡһынған һорауҙарына яуаптар, шулай уҡ методик материалдар һәм әсбаптар аласаҡ. Бынан тыш, һәр студентҡа страховка таныҡлығы алыуға анкета тултырып тапшырыу мөмкинлеге биреләсәк.

Сара 14 сәғәттә башлана.