«Башинформ» Өфөнөң иң популяр сайты тип танылды

Евгений Рәхимҡолов

Өфө халҡы «Башинформ» мәғлүмәт агентлығы сайтын ҡаланың иң популяр һәм ышаныслы интернет-ресурсы тип иҫәпләй. Социологик һорашыу барышында өфөләр тап уны беренсе урынға ҡуйған. Был хаҡта ҡала башлығында үткән оператив кәңәшмәлә ҡала хакимиәтенең мәғлүмәт-аналитика бүлеге начальнигы Раил Мөхәмәтов хәбәр итте.

Социологик һорау алыу Рәсәй фәндәр академияһы Өфө ғилми үҙәгенең Социаль-иҡтисади тикшеренеүҙәр институты ҡатнашлығында үткән. Өфөлә һәм Башҡортостанда барған хәл-ваҡиғалар һеҙҙең ҡарашҡа ҡайһы электрон киң мәғлүмәт сараһында тулы һәм дөрөҫ яҡтыртыла, тигән һорауға яуап итеп, өфөләрҙең 29 проценты «Башинформ» агентлығын атаған. 12,8% тауыш йыйған Башҡортостан Республикаһы Президенты Рөстәм Хәмитовтың «Йәнле журнал»дағы блогы икенсе урын алған. Өфө ҡалаһының рәсми сайты өсөнсө урында – уны һорау алыуҙа ҡатнашҡандарҙың 12,3 проценты атаған. 11% һәм 6% тауыш йыйған Башҡортостан Президентының һәм республика Хөкүмәтенең рәсми сайттары дүртенсе һәм бишенсе позицияларҙа урынлашҡан.

Өфө башлығы Павел Качкаев билдәләүенсә, бөгөн баҫма киң мәғлүмәт сараларының популярлығы кәмей – статистика буйынса һәр өсөнсө кеше генә матбуғатты уҡый. Халыҡтың төп өлөшө мәғлүмәтте тап интернет аша ала.

— Шуға күрә интернет-ресурстарға иғтибарлы ҡарашта булырға һәм улар менән эшләргә кәрәк, — тине Павел Качкаев. – Тәү сиратта, интернет аша кешеләрҙең ыңғай мәғлүмәт алыуы кәрәк.

#киң мәғлүмәт саралары #интернет #социологик тикшеренеүҙәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.