Яр Саллының балалар баҡсаһында башҡорт төркөмө асылды

Марина Шумилова

Башҡортостан һәм Татарстан араһындағы сауҙа-иҡтисади, фәнни-техник, социаль һәм мәҙәни хеҙмәттәшлек тураһындағы килешеүгә ярашлы, Яр Саллыла, «Айһылыу» балалар баҡсаһында 25 балаға иҫәпләнгән башҡорт төркөмөн асыу тантанаһы үтте. Был ҡалала йәшәгән башҡорттарға ғына түгел, Башҡортостан Республикаһының башҡорт йәмәғәтселеге өсөн дә мөһим ваҡиға. Башҡорт төркөмөн тамамлаусылар белем алыуҙы Яр Саллылағы башҡорт урта мәктәбендә дауам итә аласаҡ.

Тантанала Бөтә донъя башҡорттары ҡоролтайы Башҡарма комитеты делегацияһы башҡорт төркөмө тәрбиәселәренә музыкаль үҙәк, «Китап» нәшриәтенең башҡорт телендә сыҡҡан китаптарын бүләк итте. Бөтә донъя башҡорттары ҡоролтайы Башҡарма комитетынан хәбәр итеүҙәренсә, әле БР Мәғариф министрлығы ярҙамында БР Мәғарифты үҫтереү институтында «Айһылыу» балалар баҡсаһының башҡорт төркөмө тәрбиәселәре өсөн курстар ойоштороу мәсьәләһе хәл ителә.

Белешмә өсөн. Әлеге ваҡытта Яр Саллыла 13 мең самаһы башҡорт йәшәй. Үткән быуаттың 90-сы йылдарында ҡалала «Юлдаш» башҡорт мәҙәни йәмғиәте ойошторола. «Милли-мәҙәни автономия тураһында»ғы Федераль закон ҡабул ителгәндән һуң «Юлдаш» йәмғиәте 2000 йылда «Шоңҡар» башҡорт милли-мәҙәни автономияһы итеп үҙгәртелә һәм милли мәҙәниәтте, йолалар һәм традицияларҙы һаҡлау һәм үҫтереү, башҡорт телен өйрәнеү буйынса әүҙем эш башлай, Башҡортостан Республикаһы менән тығыҙ бәйләнеш булдыра. Башҡорт йәмәғәтселеге тырышлығы менән тап яр Саллыла 2004 йылдың сентябрендә Татарстандағы тәүге башҡорт мәктәбе асыла (11-се урта мәктәп нигеҙендә). Бында 1-11 класс уҡыусылары башҡорт телен өйрәнә. Хәҙер ҡалала балалар баҡсаһындағы тәүге башҡорт төркөмө лә барлыҡҡа килде.

#милли мәҙәниәт #мәғариф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.