Башҡортостандың төньяҡ һәм таулы райондарында ҡырау төшөүе ихтимал

Бөгөн, 18 августа, термометр бағанаһы төнөн республиканың төньяҡ өлөшөндә ни бары 1-6 градус, көньяҡ райондарҙа 7-12 градусты күрһәтәсәк. Рәсәй Ғәҙәттән тыш хәлдәр министрлығының БР буйынса Баш идаралығы мәғлүмәтенә ярашлы, төньяҡ һәм таулы райондарҙа нулдән минус ике градусҡа тиклем һыуытып, ҡырау төшөүе ихтимал. Яуым-төшөм көтөлмәй.

Иртәгә республика халҡын аяҙлы-болотло, яуым-төшөмһөҙ көн көтә. Тотороҡһоҙ еңелсә ел иҫеүе ихтимал. Көндөҙ18-23 градусҡа тиклем йылытасаҡ. Һауа температураһы төнөн 7-12°, төньяҡ һәм таулы райондарҙа 2-7°, урыны менән ҡырау төшәсәк.