Өфөлә Тәлғәт Тажетдин Ислам колледжы ҡарамағындағы балалар лагеры тәрбиәләнеүселәре менән осрашты

Тимур Рәхмәтуллин

Бөгөн, 28 июндә, Өфөнөң Беренсе йәмиғ мәсетендә юғары мөфтөй, Рәсәй мосолмандары Үҙәк диниә назараты рәйесе Тәлғәт Тажетдин Мәрйәм Солтанова исемендәге Ислам колледжы ҡарамағындағы балалар лагеры тәрбиәләнеүселәре менән осрашты.

Ҡунаҡтарҙы янына ултыртып, мөфтөй уларға бәләкәй мосолмандар тормошоноң төрлө аспекттары тураһында аңлатты. Аллаһы Тәғәләгә һәм атай-әсәйгә ҡарата мөнәсәбәткә айырыуса иғтибар бирҙе. Аллаһы Тәғәләнең мәрхәмәте атай-әсәйгә булған мөнәсәбәт менән бәйле, тип аңлатты Тәлғәт Тажетдин.

— Атай-әсәйҙәрегеҙ һеҙҙән ҡәнәғәт булһа, Алла ла һеҙҙән ҡәнәғәт булыр, — тине ул.

Шулай уҡ юғары мөфтөй балаларға ислам динен бөтә илгә тарата башлаған ҡала – Болғарға сәйәхәт ҡылыуы хаҡында бәйән итте, «Аллаһы Тәғәләнән башҡа Алла юҡ» тигән ғәрәп телендәге яҙыуы булған Рәсәй мосолмандары Үҙәк диниә назаратының байрағын күрһәтте. Был һүҙҙәр – ожмах асҡысы, тик уларҙы ҡабатлап әйтеүҙән тыш, был һүҙҙәрҙе Хоҙайға ышаныу һәм изге эштәр менән нығытыу ҙа зарур, тип аңлатты Тәлғәт Тажетдин.

Хушлашҡанда мөфтөй балаларға календарҙар бүләк итте. Ҡәнәғәт ҡалған балалар йылы осрашыу һәм ҡыҙыҡлы һөйләшеү өсөн Тәлғәт Тажетдинға рәхмәт әйтте һәм дин талап иткәнсә атай-әсәйҙәренә иғтибарлы һәм ихтирамлы булырға һүҙ бирҙе.

Шуны ла әйтергә кәрәк, бынан алда Ислам колледжы ҡарамағындағы лагерь тәрбиәләнеүселәре Башҡортостан Республикаһы мосолмандарының Диниә назараты рәйесе Нурмөхәмәт Ниғмәтуллин менән дә осрашҡайны.

#балалар #дин

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.