Вторник, 21 Апреля 2026

Уфа

+10 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Төп бит/Йәмғиәт

04:23 (UTC+5), 27 Мая 2011

Рөстәм Хәмитов Урман ауылында торлаҡ йорттар төҙөлөшө планын әҙерләргә ҡушты

«Башинформ» | фото: Олег Яровиков

Башҡортостан Президенты Рөстәм Хәмитов Иглин районы хакимиәте башлығы Рафиҡ Мусинға боеприпастар шартлауы арҡаһында йортһоҙ ҡалған Урман ауылы халҡына торлаҡ йорттар төҙөлөшө менән ярҙам итеү мәсьәләһен тикшерергә ҡушты.

Республика башлығының матбуғат хеҙмәтенән хәбәр итеүҙәренсә, әлеге ваҡытта ғәҙәттән тыш хәл урынында шартлауҙарҙан һәм янғындан күрелгән зыян күләме билдәләнә. Республика Президенты Рөстәм Хәмитовтың ҡушыуы буйынса йорттарына ҙур зыян килгән йәки янғын арҡаһында бөтөнләй өйһөҙ ҡалған граждандарға торлаҡ төҙөү планы әҙерләнә. Торлаҡ йорттар Башҡортостан бюджеты иҫәбенә төҙөләсәк. Рөстәм Хәмитов төҙөлөш программаһын әҙерләп, яҡын арала йорттар күтәреү буйынса эштәрҙе башлауҙы талап итте.

Хәтерегеҙгә төшөрәбеҙ, Башҡортостан Президенты Рөстәм Хәмитов 26 майҙа Иглин районындағы Урман ауылында булды. Унда БР Президенты хоҡуҡ һаҡлау органдары, Ғәҙәттән тыш хәлдәр министрлығы етәкселәренең һәм хәрбиҙәрҙең докладтарын тыңланы. Шулай уҡ Рөстәм Хәмитов эвакуацияланған ауыл халҡын урынлаштырырға һәм уларҙың туҡланыуын ойошторорға ҡушты.

Башҡортостан Президенты телефон аша Рәсәйҙең Эске эштәр, Ғәҙәттән тыш хәлдәр һәм Оборона министрлыҡтары етәкселәре менән бәйләнешкә инде. Һөйләшеүҙәр барышында торлаҡ йорттарға күскән янғынды һүндерер өсөн зыян күргән ауылға өҫтәмә янғын расчеттарын, шулай уҡ мародерлыҡ осраҡтарын булдырмаҫ өсөн Эске эштәр министрлығы көстәрен индерергә ҡарар ителде.

Башҡортостанға йәнә Рәсәй Оборона министрлығының етәкселек составын йүнәлтеү тураһында ҡарар ҡабул ителде, улар Ғәҙәттән тыш хәлде ликвидациялау буйынса штабҡа етәкселек итеүҙе үҙ өҫтөнә алырға тейеш.

Ғәҙәттән тыш хәл урынына Эске эштәр һәм Ғәҙәттән тыш хәлдәр министрлыҡтарының авиация техникаһы, шулай уҡ янғын сығанағына робототехника йүнәлтелде. «Беҙҙең бурыс - ауылды һаҡлап ҡалыу һәм хәлдәрҙең насарайыуына юл ҡуймау», — тине Башҡортостан Президенты Рөстәм Хәмитов.

1 из 20

#бр президенты #ғәҙәттән тыш хәлдәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.