«Аҡбуҙат» журналы «Әкиәттә ҡунаҡта» тип аталған күргәҙмәһенә саҡыра

Башҡорт телендә сыҡҡан «Аҡбуҙат» журналы «Әкиәттә ҡунаҡта» тип аталған күргәҙмә ойоштормаҡсы. Унда журнал редакцияһына үҙенең һүрәттәрен ебәргән 50 баланың ижады күрһәтеләсәк. «Аҡбуҙат» редакцияһынан хәбәр итеүҙәренсә, күргәҙмә Башҡортостан Республикаһының Милли музейында асыла. Ул Санкт-Петербургтың «Донъя халыҡтары әкиәттәре» балауыҙ һындар күргәҙмәһе сиктәрендә үтәсәк. «Әкиәттә ҡунаҡта» күргәҙмәһе 20 июнгә тиклем эшләй.

«Аҡбуҙат» журналының кескәй уҡыусылары ижады менән түбәндә күрһәтелгән һылтанма буйынса интернетта ла танышырға мөмкин:

http://fotki.yandex.ru/users/akbuzat-br/album/123963/