Вторник, 26 Мая 2026

Уфа

+17 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

06:28 (UTC+5), 19 Мая 2011

Рөстәм Хәмитов: «Хоккей бөтөн Башҡортостан халҡының намыҫ эше булды һәм булып ҡала»

Дмитрий Слезин | фото: Андрей Старостин

Кисә Өфө халҡы «Салават Юлаев» командаһының Рәсәйҙә икенсе тапҡыр чемпион исемен яулауын байрам итте. «Өфө-Арена» боҙ һарайындағы төп байрам сараһына почетлы ҡунаҡтар – Башҡортостан Республикаһы Президенты Рөстәм Хәмитов, Рәсәйҙең Хоккей федерацияһы президенты, легендар ҡапҡасы Владислав Третьяк, РФ Хоккей федерацияһының Попечителдәр советы рәйесе Павел Крашенинников, БР Президенты Хакимиәте етәксеһе, «Салауат Юлаев» хоккей клубының яңы президенты Әнүәр Мәхмүтов, клубтың элекке президенты Николай Курапов, КХЛ-дың вице-президенты Владимир Шалаев, БР йәштәр сәйәсәте һәм спорт министры Александр Никерин һәм Башҡортостанда тыуған СССР-ҙың атҡаҙанған һынаусы летчигы Урал Солтанов ҡатнашты.

Тантана ҡунаҡтарын Башҡортостан Президенты Рөстәм Хәмитов сәләмләне:

— Ҡәҙерле дуҫтар!

Бөгөн Өфөлә, Башҡортостан Республикаһында, оло байрам. Беҙ Гагарин Кубогында еңеүсе команданы, данлыҡлы клубыбыҙ - «Салауат Юлаев» хоккей клубын тәбрикләйбеҙ.

Хоккей Башҡортостан Республикаһының бар халҡы өсөн намыҫ эше булды һәм булып ҡала. Хоккей, ҙур хоккей республикала, Өфө ҡалаһында һәр саҡ буласаҡ. Мин «Салауат Юлаев» хоккей клубы уйынсыларына оло рәхмәтемде белдерергә, уларға беҙгә еңеү алып килгән фиҙаҡәр, сағыу, иҫ киткес шәп уйындары өсөн рәхмәт әйтергә теләйем!

Республика башлығы шулай уҡ команда менән эшләгән тренерҙарға, хоккей клубына ярҙам иткән бағыусыларға, көйәрмәндәргә лә айырып рәхмәт әйтте. Республика Хөкүмәте хоккей майҙансыҡтарын арттырыу, йәш хоккейсылар үҫтереү өсөн, беҙҙең хоккей Рәсәйҙә иң яҡшыһы булып ҡалһын өсөн бөтә көсөн һаласаҡ, тип белдерҙе.

Владислав Третьяк менән Павел Крашенинников, артабан Әнүәр Мәхмүтов менән Николай Курапов чемпиондарҙы алтын миҙалдар һәм алтын еңеүсе йөҙөктәре менән бүләкләне.

Егеттәр Рәсәй Космонавтикаһы федерацияһынан да бүләктәр алды – кешенең беренсе тапҡыр йыһанға осоуының 50 йыллығында хоккейсылар, тренерҙар һәм клуб хеҙмәткәрҙәре йыһанды яулаусы Урал Солтанов ҡулынан Юрий Гагарин исемендәге иҫтәлекле миҙалдар алды.

Тантаналы өлөштән һуң чемпиондарҙы – Гагарин кубогы йондоҙҙарын Рәсәй эстрадаһы йондоҙҙары Кристина Орбакайте һәм Олег Газманов ҡотланы.

«Өфө-Арена»лағы тантананан һуң геройҙар Гагарин Кубогы менән Өфө урамдары буйлап үтте, Салауат Юлаев һәйкәленә барҙы һәм унан һуң Ҡала хакимиәте бинаһы янына юлланды. Ленин майҙанында дауам иткән байрам концерты салют менән тамамланды.

1 из 20

#хоккей #кхл #гагарин кубогы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.