БР Президенты инвалид балалар өсөн реабилитация үҙәге эшмәкәрлеге менән танышты

Галина Бахшиева | фото: Олег Яровиков

Шаршамбы, 11 майҙа, Башҡортостан Президенты Рөстәм Хәмитов мөмкинлектәре сикләнгән балалар һәм үҫмерҙәр өсөн республика реабилитация үҙәгенең беренсе бүлексәһендә булды. Медицина учреждениеһы хеҙмәткәрҙәре республика башлығына үҙҙәренең эше һәм көн һайын хәл итергә тура килгән проблемалары тураһында һөйләне.

Был Үҙәктең бәләкәй пациенттары нигеҙҙә — терәк-хәрәкәт аппараты ауырыуҙары, психика һәм телмәр үҫеше тотҡарланыуы, үҙәк нервы системаһының органик зарарланыуы эҙемтәләре менән яфаланған инвалид балалар. Көн һайын бында 70-тән алып йөҙгә тиклем кеше килә. Реабилитация үҙәгендә бөтә хеҙмәттәр ҙә бушлай күрһәтелә.

Үҙәк штатында 30-ға яҡын кеше иҫәпләнә. Уртаса эш хаҡы ни бары биш-алты мең һум. Ләкин шулай булыуға ҡарамаҫтан, кадрҙар алмашыныуы күҙәтелмәй. Күбеһе реабилитация үҙәгендә беренсе йыл ғына эшләмәй.

— Беҙҙең иң төп проблема – финанслауҙың етерлек күләмдә булмауы. Бынан тыш, үҙәктең бинаһы күптән ремонтҡа һәм заманса ҡорамалдар менән йыһазландырыуға мохтаж. Башҡортостан Президенты беҙҙәге хәлдәрҙе тикшереп, тейешле сараһын күрер, тип ышанабыҙ, — тине «Башинформ» агентлығына Республика мөмкинлектәре сикләнгән балалар һәм үҫмерҙәр өсөн реабилитация үҙәгенең беренсе бүлексәһе мөдире Зөлфиә Сәфиуллина.

1 из 8

#бр президенты #мөмкинлеге сикләнгән балалар #һаулыҡ һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.