Башҡортостан һәм Өфө яңылыҡтары
57.57
+2.27
54.39
+1.66
90.92
+2.06
4+ °C
Болотло
Бөтә яңылыҡтар
Йәмғиәт
27 Апрель 2011, 15:34

Өфөлә Фәриҙә Ҡудашева урамы буласаҡ

Өфөлә Фәриҙә Ҡудашева урамы буласаҡ. Ҡала Советы депутаттары шундай ҡарар ҡабул итте. Өфөнөң Октябрь районы биләмәһендәге Нуғай биҫтәһе урамдарының береһенә билдәле башҡорт йырсыһының исеме биреләсәк. Ҡала Советы рәйесе Ирек Ниғмәтуллиндың билдәләүенсә, депутаттар уның хөрмәтенә Өфөләге урамдарҙың береһенең исемен алмаштыра алмай, сөнки ваҡытында Өфөләге урамдарҙың исемен алмаштырыуҙы тыйыу тураһында ҡарар ҡабул ителгән. Хәҙер яңы исемдәрҙе әлеге ваҡытта төҙөлөүсе атамаһыҙ урамдарға ғына бирергә мөмкин.
Фәриҙә Ҡудашева – башҡорт эстрадаһының оло быуын артистары вәкиле. Йырсы күп тапҡыр Мәскәүҙә һәм Санкт-Петербургта сығыш яһаған, элекке СССР һәм Финляндия буйлап гастролдәрҙә йөрөгән.
Автор:Евгений Рәхимҡолов
Читайте нас в