Башҡортостан тележурналистары 4 «ТЭФИ» статуэткаһын алды

Тимур Рәхмәтуллин

«ТЭФИ-Төбәк-2010» Бөтә Рәсәй телевидение конкурсында БЮТ телеканалы журналистары дүрт «ТЭФИ» статуэткаһын яуланы. Конкурсты Рәсәй телевидениеһы академияһы Таганрогта үткәрҙе.

Ғәҙәттә, телевидение хеҙмәткәрҙәренең уҙған йылғы эшенә апрелдә йомғаҡ яһала. Ижади көрәштә сентябргә тиклем эфирға сыҡҡан тапшырыуҙар ҡатнаша.

«Телевидение программаһы йәки фильм режиссеры» номинацияһында Венера Йомағолова еңде. Уның «Ике ҡыш аша» документаль проекты йыл башында төшөрөлгәйне һәм башҡа конкурстарҙа еңеүсе булғайны.

«Интервьюер» номинацияһында телетапшырыуҙар алып барыусы Сергей Майоров менән әңгәмә өсөн Гүзәл Ибраһимова еңеү яуланы.

Академиктар БЮТ каналының мәғлүмәттәр сығарылышын да лайыҡлы баһаланы. Уны әҙерләүҙә яңылыҡтар хеҙмәтенең бөтә командаһы ҡатнашты. Йәшел-зәңгәрһыу төҫтәрҙә биҙәлгән студия һәм күренекле режиссер Майя Ҡорбанова ҡуйған ҡапламалар хәбәрселәрҙең һәм алып барыусы Светлана Хәсәнованың эшен тулыландырҙы. Светлана Хәсәнова иһә мәғлүмәттәр тапшырыуын иң яҡшы алып барыусы исеменә лайыҡ булды.

Башҡортостан журналистарын Рәсәй телевидениеһы мэтрҙары – Владимир Познер, Александр Гуревич, Арина Шарапова, Светлана Йосопова һәм башҡалар ҡотланы.

«ТЭФИ» ға эйә булған режиссер Венера Йомағолова әйтеүенсә, конкурста еңеү еңелдән булмаған.

- Бындай фестивалдәр бик файҙалы: тележурналистар коллегаларының ижады менән таныша, телевидение мэтрҙары менән аралаша һәм бөтә ил телекомпанияларының эше хаҡында мәғлүмәт ала, – тине ул.

Команданың профессиональ эше республика төп дәүләт телеканалының илдәге иң яҡшы телекомпанияларҙың береһе икәнлеген тағы бер ҡат раҫланы.

#наградалар #телевидение

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.