Өфөлә йәйге лагерҙарға путевкалар йәрминкәһе үтте

Өфөлә, Профсоюздар йортонда, йәйге һауыҡтырыу лагерҙарына путевкалар йәрминкәһе үтте.

Башҡортостан Республикаһы Профсоюздар федерацияһының матбуғат хеҙмәтенән хәбәр итеүҙәренсә, йәрминкәлә республика предприятиеларының 30-ға яҡын ҡала яны йәйге һауыҡтырыу лагерҙары, муниципаль, дәүләт һәм профсоюз лагерҙары ҡатнашҡан. Быйыл Башҡортостан территорияһында Өфө, Стәрлетамаҡ, Бәләбәй, Бөрө, Күмертау, Мәләүез, Стәрлебаш, Әлшәй, Ғафури райондары лагерҙары балалар өсөн йәйге ял тәҡдим итә. Ғәҙәттәгесә йәрминкәгә медицина, мәғариф, мәҙәниәт кеүек бюджет өлкәһе профсоюз ойошмалары, шулай уҡ балансында балалар лагерҙары булмаған предприятиелар ҙур ҡыҙыҡһыныу белдерҙе.