Башҡортостан һәм Өфө яңылыҡтары
57.57
+2.27
54.39
+1.66
90.92
+2.06
4+ °C
Болотло
Бөтә яңылыҡтар
Йәмғиәт
8 Апрель 2011, 14:33

Өфөлә йәш рәссамдар күргәҙмәһе асыла

«Каруанһарай» үҙәк художество галереяһында 12 апрелдән алып кешенең тәүге тапҡыр йыһанға осоуына 50 йыл тулыуға арналған «Балалар күҙҙәре менән Космонавтика йылы» күргәҙмәһе үтәсәк. Галереяла йәш рәссамдарҙың 50-нән ашыу эше күрһәтеләсәк.
«Латифа» башҡорт балалары өсөн тәүге һынлы сәнғәт студияһы директоры Эльза Ҡотлобаеваның әйтеүенсә, күргәҙмә астрономияны популярлаштырыу һәм балаларҙың йыһан менән ҡыҙыҡһыныуын арттырыу маҡсатында ойошторолған.
— Балаларыбыҙҙа илебеҙ тарихы, ватан ғалимдарының, конструкторҙарҙың һәм космонавтарҙың ҡаҙаныштары өсөн ғорурлыҡ тойғоһо тәрбиәләү мөһим, — тип иҫәпләй ул.
Күргәҙмәне асыу тантанаһына мәҙәниәт эшмәкәрҙәре, атҡаҙанған рәссамдар саҡырылған. Башлана — 14 сәғәттә.
Автор:Руфина Хананова
Читайте нас в