Ишетеү мөмкинлеге сикләнгән Башҡортостан артистары бөтә Рәсәй конкурсында төбәк данын яҡлай

Әлфиә Әһлиуллина

Өфөләге Һаңғырауҙар мәҙәниәт һарайының ижади коллективтары вәкилдәре Бөтә Рәсәй һаңғырауҙар йәмғиәтенең 85 йыллығына арналған III Бөтә Рәсәй концерт программалары конкурсында Башҡортостан данын яҡлай. Ул ошо көндәрҙә Орел ҡалаһында үтә.

«Башинформ» агентлығына Бөтә Рәсәй һаңғырауҙар йәмғиәте Башҡортостан республика ойошмаһының «Өфө һаңғырауҙар мәҙәниәте йорто» йәмәғәт учреждениеһынан хәбәр итеүҙәренсә, Өфө Һаңғырауҙар мәҙәниәт йорто директоры Ираида Иващенко етәкселегендәге 17 кешенән торған ижади делегация 2 апрелдә үк юлға сыҡҡан.

Был сәфәрҙең инициаторы Ираида Иващенко үҙе. Өфө коллективтарына бөтә Рәсәй конкурсында ҡатнашыуға булышлыҡ итеү үтенесе менән ул Башҡортостан Республикаһы Президенты Рөстәм Хәмитовҡа мөрәжәғәт итә. Ошонан һуң республика башлығы ҡушыуы буйынса БР Мәҙәниәт министрлығы менән сәфәрҙе ойоштороуға кәрәкле финанс средстволар бүленә.

Республика данын бөтә Рәсәй конкурсында ишетеү һәләтенә төрлө дәрәжәлә зыян килгән һәүәҫкәр артистар – «Ағиҙел» бейеү студияһында һәм ым-ишара ярҙамында йырлаусыларҙың «Шанс» ансамблендә ҡатнашыусылар яҡлаясаҡ. Оло рухи һәм ихтыяр көсө арҡаһында был кешеләр ижадта ҙур уңыштарға ирешә. Улар бөтә Рәсәй һәм халыҡ-ара конкурстар һәм фестивалдәр лауреаттары, дипломанттары, улар Башҡортостандың үҙешмәкәр сәнғәтенең ни ҡәҙәр юғары булыуын даими раҫлайҙар.

#конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.