Силәбе өлкәһендә «Уралым» төбәк төрки халыҡтары милли музыкаһы фестивале үтте

Уҙған шәмбелә Силәбе өлкәһе Еманжелинск (Яманйылға) ҡалаһының А.С. Пушкин исемендәге Мәҙәниәт һарайында йолаға әүерелгән «Уралым» төбәк төрки халыҡтары милли музыкаһы фестивале үтте. «Башинформ» агентлығына Башҡортостан Республикаһының Силәбе өлкәһендәге Даими вәкиллегенең матбуғат секретары Михаил Хәбировтың хәбәр итеүенсә, быйыл фестиваль үҙенең географияһын да, жанр төрлөлөгөн дә киңәйткән. Фестивалдең ойоштороусылары булып Силәбе өлкәһенең Мәҙәниәт министрлығы, өлкә халыҡ ижады үҙәге, Еманжелинск (Яманйылға) районы хакимиәте һәм бер нисә йәмәғәт ойошмалары сығыш яһаны.

Фестивалгә Силәбе, Ҡурған өлкәләренән, Башҡортостан Республикаһынан 200-ләгән ҡатнашыусы килде. Башҡортостан исеменән Өфө, Белорет, Әбйәлил районы вәкилдәре сығыш яһаны. Фестивалгә баһалама ағзаһы сифатында Башҡортостан Республикаһының Силәбе өлкәһендәге Даими вәкиле Мөхәмәтулла Хафизов саҡырылғайны, иң яҡшы сығыш яһағандарға ла ул маҡтау грамоталары тапшырҙы.

Артистар тамашасыларҙы үҙҙәренең моңло тауыштары менән шатландырҙы, һәр коллектив үҙенсәлекле ине. Силәбе өлкәһенән «Айгөл» башҡорт халыҡ коллективы «Башҡортостан» бейеүе менән барыһын да хайран итте. Халыҡ йырҙары репертуары ла ярайһы бай булды. Был юлы башҡорт халыҡ инструменттары – ҡурай менән ҡубыҙ ҙа лайыҡлы күрһәтелде. Конкурс хореография, солистар һәм инструменталь башҡарыу кеүек өс номинацияла үтте.

«Уралым» фестиваленең 200-ҙән ашыу ҡатнашыусыһынан Гран-приҙы Силәбе өлкәһенең Нязепетровск районынан «Ләйсән» коллективы яуланы, уларға ҡиммәтле бүләк бирелде. Күптәр лауреат дипломдары алды.

Жюри ағзаларының билдәләүенсә, быйылғы конкурста күберәк йәштәр ҡатнашҡан, шулай ҙа коллектив етәкселәренә һөнәри оҫталыҡ етеңкерәмәй, шуға ла вокал оҫталығы буйынса мастер-кластар ойошторорға кәрәк.

#фестивалдәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.