Күмертауҙа уҡыу урындары йәрминкәһе үтте

Марина Шумилова

Күмертау ҡалаһында уҡыу урындары йәрминкәһе үтте. Сығарылыш уҡыусыларына буласаҡ һөнәрен һайлауға ярҙам итеү маҡсатында, ҡала округы хакимиәте һәм Күмертауҙың Халыҡ мәшғүллеге үҙәге йола буйынса бындай йәрминкәләрҙе тап яҙғыһын үткәрә. Быйылғы йәрминкәлә Күмертау, Мәләүез, Стәрлетамаҡ ҡалаларының 16 башланғыс, урта һәм юғары һөнәри белем биреү учреждениелары ҡатнашты. Ике көн дауамында барған йәрминкәлә Күмертау ҡалаһы һәм Көйөргәҙе районы мәктәптәренең 9 һәм 11 кластарынан 670 уҡыусы ҡатнашты.

Үҙенең эшмәкәрлеге менән тулыраҡ таныштырыу өсөн, һәр һөнәри белем биреү учреждениеһы сағыу мәғлүмәт стендтары, видеороликтар, буклеттар, брошюралар, календарҙар әҙерләгән ине. Йәрминкәлә ҡатнашыусыларға «Абитуриент–2011», «Нисек һөнәр һайларға», «Һиңә, сығарылыш уҡыусыһы», «Йәштәр хеҙмәте һәм мәшғүллеге тураһында» кеүек материалдар таратылды.

Уҡыу урындары йәрминкәһендә Күмертау хакимиәте башлығы Борис Беляев ҡатнашты, уҡыусыларға мөрәжәғәт итеп, ул йәштәргә буласаҡ профессияһын һайлауға етди ҡарауҙарын һораны.

— Һөнәр һайлағанда, профессияның абруйлылығына һәм популяр булыуына ғына түгел, уның хеҙмәт баҙарында талап ителеү-ителмәүенә, конкурент һәләтлелегенә лә ҡарағыҙ, - тип билдәләне Борис Беляев.

Ҡала Халыҡ мәшғүллеге үҙәге мәғлүмәте буйынса, Күмертауға бөгөн квалификациялы эшселәр — электриктар, иретеп йәбештереүселәр, ташсылар, токарҙар, балта оҫталары, штукатурҙар, кран машинистары, машиналар эшләү һәм төҙөлөш тармағы эшселәре, халыҡты көнкүреш хеҙмәтләндереү өлкәһе белгестәре талап ителә. Ҡалаға шулай уҡ табиптар, юғары квалификациялы инженерҙар — конструкторҙар, программистар, механиктар, химиктар ҙа кәрәк.

#хеҙмәт баҙары #йәрминкә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.