Рөстәм Хәмитов йәмғиәт тормошонда судьяларҙың ролен юғары баһаланы

Ольга Мортазина | фото: Андрей Старостин

Өфөлә район (ҡала) судтары судьяларының һәм мировой судьяларҙың кәңәшмәһе үтте. Коллегия эшендә республика Президенты Рөстәм Хәмитов, БР Дәүләт Йыйылышы – Ҡоролтай Рәйесе Константин Толкачев, БР буйынса эске эштәр министры Игорь Алешин, БР-ҙың баш суд приставы Зариф Байғусҡаров, БР Юғары суды рәйесе Михаил Тарасенко, федераль һәм мировой судьялар, район һәм ҡала судтары хеҙмәткәрҙәре ҡатнашты.

— Бөгөн залда властың бөтә өс тармағы — суд, закондар сығарыу һәм башҡарма власть етәкселәре йыйылған. Был һеҙҙең эшмәкәрлеккә иғтибар бик ҙур һәм эшегеҙ үтә мөһим булыуы хаҡында һөйләй, — тип йыйылыусыларға мөрәжәғәт итте Рөстәм Хәмитов. — Бөйөк рус тарихсыһы Карамзин: «Закондар ниндәй тип һорамағыҙ, судьялар ниндәй тип һорағыҙ», тигән. Закондың нисек эшләүе судьяларға бәйләнгән. Судтар йәмғиәтте модернизациялауҙың төп элементы булып тора ала. АҠШ-та расалар тигеҙһеҙлегенә судтар ҡарары менән сик ҡуйылды. Иҡтисади үҫеш перспективалары ла судтарға бәйләнгән. Һуңғы ваҡытта мин республикаға аҡса һалырға теләгән тиҫтәләгән сит ил делегацияларын ҡабул итәм, уларҙың барыһының да төп һорауы: судьялар нисек эшләй? Улар инвесторҙарҙың хоҡуҡтарын яҡларҙармы?

Күп судтарҙың эштәре сиктән тыш күп, тип билдәләне Башҡортостан Президенты, һәм республика етәкселеге уларға ярҙам итергә тырыша. «Мин Хөкүмәткә һәм хакимиәттәр башлыҡтарына бөтә судтарҙы суд ултырыштары өсөн залдар менән тәьмин итергә ҡуштым», — тине Рөстәм Хәмитов.

Президент кадрҙар сәйәсәте буйынса ла әйтеп уҙҙы.

— Квалификация коллегиялары тәжрибәһеҙ кешеләрҙе, йәки талаптарға яуап бирмәй тип, Мәскәү кире ҡайтарған кандидатураларҙы тәҡдим итеүенә юл ҡуйырға ярамай. Күп юристар судья булырға хыяллана. Йәмғиәттә уларҙың статусы бик юғары, был абруйлы. Шундай хәлдә иң яҡшыларҙы һайлап алырға мөмкин бит. Беҙгә яҡшы репутациялы белгестәр кәрәк.

Һуңғы йылда республика халҡынан федераль һәм мировой судьяларҙың эштәренә алты мең ялыу килде. Был ҙур һан, тип билдәләне Президент.

— Ялыуҙар төрлө, судьяларҙың профессиональ һәм шәхси сифаттарына ҡарата. Халыҡ фекерен һанға һуҡмаҫҡа ярамай, — тине республика башлығы. — Һуңғы ваҡытта власть һәм халыҡ, власть һәм ғәҙеллек тураһында күп телгә алына. Кешеләр власҡа ышанмай. Был судтар берләшмәһенә лә ҡағыла. Халыҡ беҙгә ышанырға, беҙ үҙ эшебеҙҙе намыҫлы башҡарыуыбыҙҙы белергә тейеш. Ышаныс һәм ғәҙеллек булмауы йәмғиәтте тарҡата, фажиғәле эҙемтәләргә килтерә. Һеҙҙән яуаплы һәм ғәҙел булыуығыҙҙы үтенеп һорайым.

1 из 10

#президент #судтар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.