Йәштәрҙең ғаиләне планлаштырыуға арналған осрашыуы үтте

Марина Шумилова

Өфөлә «Аҡмулла» мәғрифәтселек клубы сиктәрендә Башҡорт йәштәре яҡташлыҡтары ассоциацияһы Бөтөн донъя башҡорттары ҡоролтайы Башҡарма комитеты менән берлектә ғаиләне планлаштырыуға арналған осрашыу үткәрҙе. Йәштәр менән республика перинаталь үҙәге врачтары осрашты.

«Ғаиләне планлаштырыу» төшөнсәһе һуңғы йылдарҙа яңы йөкмәтке менән тулыланып, тормошобоҙға әүҙем үтеп инә бара. Әгәр элек был терминды тыуымды сикләү йәки контролгә алыу менән бәйләһәләр, хәҙер ғаиләне планлаштырыу ул, иң элек, көтөлгән һәм сәләмәт балалар табыу өсөн ҡатын-ҡыҙҙың сәләмәтлеген тәьмин итеү. Үҙ һаулығыңа нисек ҡарарға кәрәк? Ғаиләне нисек планлаштырырға? Нәҫелең һау-сәләмәт булһын өсөн нимә эшләргә кәрәк? Аборт эҙемтәләре? Ошо һәм башҡа шундай уҡ мөһим һорауҙарға перинаталь үҙәк врачтары яуап бирҙе. Перинаталь үҙәк эше тураһында осрашыуҙа ҡатнашыусыларға үҙәк бүлексәһе мөдире Динара Ибраһимова һөйләне. Уның һүҙҙәренә ҡарағанда, үҙәк пациенттарының 30-40 проценты тулыһынса тиерлек һауыға, һәм ҡатын-ҡыҙҙа үҙ балаһын табыу өмөтө уяна. Шулай ҙа ауырыуҙы дауалағанға ҡарағанда иҫкәртеүе яҡшыраҡ.

Осрашыуҙа «ирекле мөнәсәбәттәр»ҙең нигә килтереүе, иртәме-һуңмы ата-әсә буласаҡ йәштәрҙең яуаплылығы тураһында ихлас һөйләшеү алып барылды.

Һөйләшеүҙә Бөтөн донъя башҡорттары ҡоролтайы Башҡарма комитеты рәйесе Илгиз Солтанморатов, Башҡарма комитет ағзалары Гүзәл Ситдиҡова, Ләлә Биишева, Иршат Аҫылғужин, Рим Вәлиәхмәтов әүҙем ҡатнашты, улар үҙ тормош тәжрибәләре менән уртаҡлашты. Бында барыһының да фекере берҙәм булды: милли традицияларҙы күҙәтеү – үҫеп килеүсе быуынға әхлаҡи тәрби биреүҙең мөһим шарты.

1 из 2

#йәмәғәт ойошмалары #сәләмәт йәшәү рәүеше

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.